كيف نخلي بسكويت عين الجمل يتفتت يوم ناكله((اريد الطريقة))؟ للارامل

هلا سيدات الامارات….
كيف الحال؟ ان شاءالله بخير؟؟؟؟

حبيباتي اظني عرفتوا شوه استفساري بخصوص عجينه بسكويت عين الجمل…

اريد طريقة ومقادير العجينه ولكنها اباها يوم تنئكل اتفتت وتكون خفيفة واتذوب في الحلج….
واللي تعرف الطريقة تخبرني ويزاها الله خير…
لاني كل ما اسوي يطلع عندي البسكويت شوي متماسكة ويابسة…

انا اباها خفيفة واتفتت عند الاكل…

اريـــــــــــــــــــــــــــــــــــد الطريقة…..
محد يعرف الطريقة….

اب
اب
اب

هلا فديتج

كوبين طحين رقم 1 وكوبين نشا وكوب سكر ناعم بس انا اقلل وايد يعني اخذ نص كوب عسب مايكون وايد حلو لان الحشوه اتكون حلوه وملعقه بيكنغ بودر ورشه ملح بسييطه وبيضتين و 250 زبده او زياده شووي وطبعا فانليا ( انخلي الطحين والنشا والبيكنغ بودر عسب ينخلط ورشي له الملح ) ينعي ذرات من الملح

اخلطي السكر والزبده عدل لين ماتتكون شرا الكريما وعقب حطي البيض والفانليا واخلطيهم زيييييييين مازين وظيفي بالتدرج الطحين والنشا لين ماتخلص الكميه وخلاااص

مشكوووووووووووووورة الغالية….
وجاري التطبيق ان شاءالله…
ربي يسعدج ويوفقج غناتي

اختي السر انه العجينة ماتكون قاسية

ويكون الزبدة او مارغارين مضروبة بالخلاط الكهربائيه واااااايد لين ماتصير هشة من الخاطر و تتضاعف حجمها

وماتضيفين طحين واااااايد مره وحده ..فقط لحد انه مايلصق في اليد وخلاص

مشكورة الغالية…
ان شاءالله باخذ على نصيحتج…