كيف تولعين الفحم بدون نار !!!!!!!! ادخلي وشوفي الطريقة بالصور شغل يدوي

…. الســــــــــــــــــــــــــلام عليكم ورحمة الله وبركاته ….

اشحالكم خواتي …. شو علومكم ؟؟؟؟؟؟ كلكم مرتاحين ان شاء الله …

اليوم يبتلكم طريقة حرق الفحم بس بدون نار … واتمنى الطريقة تكون يديدة .. ومب مكررة …. وان شاء الله تعجبكم ….

هذي الطريقة تنفع حق الحريم اللي عايشين في بيت اهل زوجهم ومالهم خلق يسيرون المطبخ ويولعون الفحم ….. (((( هيازة يعني ))) خخخخخخخ ….. او حتى اللي ساكنين بيت بروحهم ومالهم خلق يسيرون المطبخ …. أو حق بنات الجامعة …. او اي حد …. كيفكم …..

ترى هالفكرة مب فكرتي …. ((( فكرة زوجي ))) ربي يحفظه … قولوا ما شاء الله …. احم احم احم …

هذي الطريقة كانوا الشباب يسوونها فالجامعة يوم يبون يتدخنون … عليهم مخ ما شاء الله … تف تف تف … وريلي قالي بدال ما اتعبين عمرج بخبرج طريقة عجييبة … ورواني الطريقة صدق استغربت … وقلت ما شاء الله عليكم شباب بس تفكرون احسن عن الحريم … خخخخخ … اوووونه

واااااااااااايد اتكلمت لا ….. يلا عيل خلي اراويكم الطريقة العجيبة …

نحتاج ….

فحم + ولاعة + مدخن + قصدير أو (( غطاة قلاصات المسافي الصغار )) + المكيف

نضع القصدير او غطاة قلاصات المسافي فالمدخن …. لاتخافون ما بيحترق ….

نفتح المكيف وانزل الرف على أخر شي … يعني لااااازم يكون مجابل المدخن عسب يوصل الهوى للفحم …

بعدين اتولعون الفحم من الطرف … شوي مب واااايد … بس يوم بتشوفونه استوى لونه احمر … على طووووووول حطوه داخل المدخن (((( اسمحولي ما صورت هالخطوة لاني ما لقيت حد يصورني )))