كيف تهتمين بنفسج خلال الحمل و بعد الحمل و كيف تخلين بطنج لاصق بظهرج في%%% صور%%% لصحتك

هلا خواتي اخباركم عساكم بخير

حبيت افيدكم بالمعلومات الي عندي

اولا خلال الحمل

اهم شي انه تهتمين ببشرتج لان خلال الحمل يصير جلد الحامل ناشف و هذا يسبب تشققات

لازم يوميا بالمسا قبل ما تنامين تسوين شاور للجسم بس

عشان يكتسب رطوبة

و تستعملين الزيوت التالية

زيت جنين القمح تلقونه عند العطار سعرة تقريبا 30 درهم
زيت اللوز الحلو
زيت اللوز المر

كل يوم تستعملين زيت للجسم كامل لانه يكسبة نعومة و ليونة ويساعد الجلد انه يتمدد خلال الحمل و يمنع التشققات من الظهور

و الي عندها تشققات من قبل استعملي bio oil ينباع في موقع امازووون و سعرة خمسين درهم و فوق

حاولي تسوين حمام مغربي مرة بالشهر انتي تسوينه

كيف ؟

دخلي في الحوض ربع ساعة و طلعي و دهني جسمج بالصابون المغربي و غسليه

و بعديين ابدي دعكي بالليفة براحة مب دفاشة تراج حامل ههههههههه حاولي تنظفين عمرج براحة

لا تستعييلين

بعد الحمام تتدهنين بالزيوت الي ذكرتها

بعد الولادة

اهم شي يكون عندج مشدات عشان بطنج ما تكون بارزة وايد

اول عشر ايام استعملي مشد البيبي شوب

بعدها بعشر ايام استعملي هذا المشد اسمة جولي تامي شيب

وايد روعة بس دايما لبسية بالنهار و بالليل ارتاحي

بالنسبة لبعدين ممكن تستعملين مشد slim and lift اشتريتة من عند وحدة بالمدونة

هذا تلبسينة لمدة خمس شهور و لا تعقينة بس بالليل و حاولي تسوين ريجيم و دايما خلي بطنج داخل

مب على برا مرخية

عشان تشتد

حاولي تسوين رياضة معدة خفيفة بعد الاربع شهور عشان النفس ما تنزل

و لا تنسين زيت bio oil اتعمليه دايما

و ممكن تحطين تحت المشد كريم تنحيف من لوريال لشد و تذويب الشحوم و اهم شي انه ما يضر البيبي

لان يمتصة الجسم

سالي ممكن تحصلينة في باريس جاليري

و سلامتكم