كيف تكسبين عمتج ام ريلج؟ المومة و الطفل

هلا حبوبات … اتمنى الكل يشارك لان الموضوع وووايد مهم فمثل ماتعاملي عمتج اليوم باجر حريم عيالج بيعاملوج …. ندخل فالموضوع انا صار لي متزوجه سنتين ونص والله مارزقني الى الحين . زوجي يصير ولد عمي وهو كان يحبني قبل الزواج ومتعلج فيه مع ان ماكنت اشوفه وايد ولا اكلمه المهم خطبني وتزوجت بس سمعت من اهلي ان امه ماكانت موافقه بدون اي سبب الحمدلله انا ماناقصني شي بس السبب يمكن عشان امي من جنسيه ثانيه لان امي من الهند واحسهم وايد يغاروا مني من اللبس ومن اي شي اسويه حتى اذا بغينا نسافر يسولنا مشكله نبس عشان ينحسوبي … الحين انا اعيش فبيت اهلي لان ريلي يداوم فمنطقه ثانيه ويجي بس الويكند فمن يجي ريلي اروح عندهم اول كنت ساكنه عندهم كنت احس عمري ففندق كل شي برسميات ودايما يطلعوا ويخلوني بروحي وعمتي دايما وارمه عليه وحتى ماتسولف معي واذا حاولت اكلمهي بس ترد عليه على حسب السؤال مع اني دايما احاول ارضيهي واشتريلهي هدايا هيه وبناتهي وحرمه ولدهي الثاني .. حرمه ولدهي الثاني كانت دايما تتكلم عليها والحين سمن على عسل … المشكله بيت كامل نفس الطبع اذا حد زعل مني البيت كامل يزعل وبنات اهلي مايعرفوا اي شي عنا يفكروا ان اني وايد ارتاح يوم اكون عندهم …اني ابا علاقتي تكون زينه معهم اللي عندهي خبرة تجوللي وتعطيني افكار كيف ممكن اكسر الحاجز بينا؟

ومنكم نستفيد .

عامليها بالتي هي حسنى …
ناقشيها استشيريها باي امر يوم تتطلعين انتي وريلج عازميها تتطلع معاكم واللحي عليها حسسيها انها احن عمه بالدنيا شاوريها بامورج الخاااصة ……
قال تعالى (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ).(فصلت:34).

اطبخي لهم وقوووووووولي اليوم بسوي لكم أكله لا صارت ولا استوت
يعني قوووووووولي العشااااااا اليوم بتسوينه

انتي اتقي الله فيها وعامليها بالطيب حسبه لله بس والله يهديها بس اقولك متحلميش تغيريها للأسف الحريم الكبار راسهم نااااااااااااااااااااشفه الله يهديهم وللأسف الناس ناسيه ان النهارده دنيا وبكره آخره
بس الواحد مش عاوز يشيل زنوب

طنشيهم شويه وجامليهم شوي وخليها تمشي الله يعينج …….