كيف تقلون الناجتس والبرجر؟ للمطلقات و الرامل

هلا خواتي كيف تقلون النجتس ويكون ناضي من داخل دوم يوم أقليه بالزيت أحس إنه من داخل بعده ماناضي هل اطلعونه من الثلاجة وتقلونه ع طول ولا لازم نخليه بره شوي لين يذوب الثلج وعقب نقليه؟؟؟ خبروني شو غلطي

حبوبة انا اطلعة واقليه ممكن اتريه لين الزيت يسخن بس يعني ما اطلعة قبل ساعة او نص ساعة وبتشوفي مكتوب على العلبة الارشادات انا استخدم خزان طعمة حلوووو
وبالنسبة للبرجر اكيد كل بيت في مكبس ساندويش احط فويل فيه وااشغله واصف البرجر فيه من دون اي دهن واغطيه بطبقة فويل بعد واتريه 2 -3 واقلبه واتري لين ينضج وخلاص صحة وعافيه
آه ه نسيت اقلك استعمل التعاون الاسلامي الوحيد اللي اثق فيه واحب اسوي البرجر في البيت بحط الطريقة ان شاء الله

نحن البرجر نشويه في التوست انسكر عليه لين ينشوي
احسن من القلاي والزيت

اذا بتقلينه بالزيت نقليه على طول ما يحتاي تذوبين الثلج

بس اذا بتشوينه بالتوستر اعتقد لازم تنتظرين لين يذوب الثلج شوي

انا اقليه بالزيت على نار هادية و اتم اقلبه علشان ما يحترق

حبوبه احنا نخليه لين ما يذوب الثلج عنه و نسخن الزين لمدة 10 دقايق عقب تقلينه على نار هادية و يوم بستوي لونه بني طلعيه من الزيت

اول شي تطلعينه وتخلينه 5 دقايق
ثاني شي لاتخلين الزيت يصير حار وايد …خليه على نار هادية..لان اذا كان الزيت حار وااايد يتغير لون قشرة البرجر بسرعه ومن داخل مايستوي..

بالنسبه للنجتس أحط كميه بسيطه من الزيت واحط الناجتس واخليه يتقلى واحجلبه كل شويه ويصير لونه ذهبي..
والبورجر احطه في تاوه مانعه للالصاق بدون أي زيت ويصير مشوي وطعمه جنان..