كيف تخلين ريلج ملكج رعاية الاطفال

اليوم يايبتلكم موضوع صدق مهم وابي تفاااااعل يعني حتى لو اي وحده تبي مساعده بقولها عن اي شيء تبغيه ما فيها شيء لو ساعدناكم تحافظون على بيوتكم بدال رياييلكم يدرون غيركم

االمهم بعض الامور المهمه لي تخلي ريلج مهتم فيج او ما يفكر انه يغازل بدال مب كل وحده حاطه مشاكلها ولاهيه نفسها يعني تفكر شو السبب إلي يخلي ريلها يسوي هذا الشيء

1_يعني بنات حبوبات واااايد مهم من الدرجه الاولى تفهمين ريلج يعني مثلا لو تعبان خلاص سكتي عنه ولا تيلسين تعورين راسه خلاص قولي حقه قوم حبيبي نام او ريح
2_وتحملي انج تسبين اهله شو ماصااار بليز اتفقنا عشان سعادتكم تحملي
3_ لا تخلين عين ريلج اطيح عليج وانتي مب مرتبه على ااقل شيء على لاقل… ممنوع زين
4_الاهتمام بالنظافه الشخصيه ( من اسنان و البشره والجسم اليد الارجل)
5_تنظيف دوري للاسنان واللثه

6_البشره :لازم يكون عندج كريم معالج للبشره لو كنتي اقل من 30 يعني يساعد البشره انه تبني نفسها وياخر التجاعيد ويعطي حقها نظارتها ويرجع حيويتها ودايما نستخدم سكراب وغسول مناسب وواقي شمس لنه البشره لو ماكانت نظيفه حتى الميكب ما يغطي العيوووب , طبعا لو عمر فوق 30 تستخدمين كريم التجاعيد يمدحون بوندس .. وطبعا الفيشل جدا مهم والماسكات الطين المغربي فنان بس لازم يكون اصلي من المغرب لنه إلي هني كله مغشوش في الامارات يحطون معاه مادة الرصاص.

7_اليد والارجل لازم تهتمين بإيدج دايما سكراب دووم تحني حتى لو خفيف للأيد يعني إلي تكون جافه أوفيها اسمرار أو مب حلو انها تكون بيضه ودايما رطبيها بكريم اللوز بتحصلينه في بودي شوب لو ما قدرتي عندج زيت اللوز ونفس الشيء الرجل تنقعينها في ماي دافي وصابون لوحسيتي انها تعبانه ودايما رطبيها …والاظافر نفس الشي تقدرين تستخدمين مناكير لازم نترتب اظافرنا بشكل دوري وبعد عندج الرسم على الاظافر ترى جدا انثوي حتى تقدرين تحصلين هاي السوالف مال الرسم عند اي مول في الكشك إلي عند الفلبينات بس لا تهملين ايدج الله يخليج

8_ لازم تلبسين اشياء حلوه وتكون على الموضه ترى الشباب يجوفوون والله هاي النقطه جدا مهمه وجربي بعد تكون ثيابج دلع يعني البسي جينز ومره تايت وعليه بدي طول ومره(يعني سروال ضيج لين تحت الركب وعليه قمص واسع حلو طول شوي لين يعني فوق الركب أو اكثر ) يعني انا اجوف هذا اللبس مناسب للبنت المتينه عكس السكيني الجينز الضيج يعني الوحده لازم تنقي ثياب تناسبها

9_طريقه تمشيط الشعر جدا مهمه يعني سوي بف(لنه هذا الدارج معظم البنات يسوونه لاتخلينه بس يجوفه برع ) او لبسي طوق واو تاج حطي سوالف بشعرج دخنيه اهتمي فيه سوي حقه كورس زيوت 3 مرات في الاسبوع

10_العبايات جدا مهمه يعني لو كنتي من النوع الملتزم فصلي حقج عبايه وسيعه على الموضه بس البسيها حق الطلعه ويا ريلج بس تمشيه بالسياره وإذا لا عادي طبعا تكون حالها حال اي عباه عادي لنه هذا لدارج لا تخلينه بس يجوفها علي غيرج واستر عن الضيجه

11 وصلنا للنقطه المهمه ….. من المهم جدا انج تفرقين بين ثياب النوم وثياب البيت يعني يوم بترقدين لازم يكون ثياب النوم مب بيجامه مال قعدة البيت يعني خلي هذا الشيء خصوصي بينكم ولازم ملابس النوم تكون جدام غريبه وراااقيه في اللبس وفيها حركات تجذب الريال يعني واهم شيء تلبسين شيء يبرز مفاتنج ويغطي عيوبج تحملي تلبسين شيء ما يناسيج ويلطع عيبوبج مثلا صح تذكرت من المهم جدا يكون عندج عطر بس خاص حق ملابس النوم يعني ما تتعطرين فيه إلا وقت النوم يعني خلي الشيءء سبيشل طبعا نظافه الجسم مهمه باستخدام صابون واوشاور جل بريحه حلوه ومع لوشن وعطر خاص مثل ما قلنا انا استخدم عطر بوند نو 9
12_ وفي النهايه لازم تعرفين كيف تريحين ريلج يعني ما يحتاي اقول الله ميزنا بدهاء يعني الوحده لازم تعرف مفتاح ريلها وين لنه الزوج مثل الطفل والله يعني دلعيه وعطيه إلي يباه صدقيني بيحطج في عيونه يعني لا تستحي تبدي حتى لو في العلاقه ال…… ترى الزوج يحب الحرمه إلي تريحه أهم شيء الاسلوب ثم الاسلوب في التعامل تحملي الدفاااشه الله يخليكم