كيف تخلصت من السيلوليت لصحة الحمل

أول شي انا وزني 56 وطولي 160 وفيني سيلوليت لانه ما يعرف لا متين ولا ضعيف ،، المهم انا واايد

كنت اشرب كوفي وغازات واكل حلويات وماتحرك واايد بحكم دراستي دايما مشغوله لكن بعد ما تازمت

الحالة قلت ستوب لازم اسويلي نظام معين يخلصني منه اللي هو التالي :

1- الامتناع عن شرب الغازات والحلويات والكوفي يعني لازم اتنقين جسمج من الكافيين .

2- دراجه ثابتة احسن شي للسيلوليت لمدة ساعه او 45 دقيقه باليوم .. وبريك بالويكند.

3- ليفة مغربية خشنة ..

4- صابونة دكتور جيمس ( هذي صابونة سحرية اشتريتها من معرض هي بالزنجبيل ) انا مب واايد اصدق سوالف الكريمات والصوابين لكن تنفع لما تسبحين تسويين فيها مساج بالليفه المغربية تلاقونها بالمرفقات .

5 – كريم قود باي سيلوليت من نيفيا هذا من ارخص كريمات السيلوليت بس ينفع لكن بروحه صعب ..

الطريقة : قبل الرياضه تفكرين جسمج بكريم نيفيا عقب سوي رياضة بالسيكل سواء لبستي شورت او

لاا انا بدون شورت .. عقب السبوح سوي مساج بالليفه المغربية والصابون من تحت لفوق للفخوذ

والاماكن الثانية بشكل دائري طبعا انا كنت اسبح مرتين باليوم واسوي مساج نص ساعه واخلي

الصابون بجسمي فتره لين يجف عقب اغسله … وعقب شهر او اقل بشوي لاحظت اختفاء السيلوليت ..