اتمنى رايكم فالموضوع مع شرح توضيحي لهذي الفتره ( الملجة ) و كيف الوحدة المفروض تتعامل مع ريلها ؟؟؟؟
^.^
وخذت زوجي عن طريق الاهل.. ماقدرت اقوله احبك اول ايام الملجة..
يعني مافي شعور الحب من اول يوم.. هههههههه
اذا انتي حسيتي من اول يوم انتي مراهقة.. صدق ..
لانه الحب ايي بالعشرة.. والتشاوف..
خليها تطلع منج في وقت انتي فعلا تحسين بها الكلمة.. مب بس استعجال على كلمات الحب..
صدقيني بتقولينها بعدين لين ماتملين..
ممكن تقولين الله يحفظ الغالي..
وداعة الله.. دير بالك على عمرك…
بعد 3 اسابيع تقولين وحشتنا..
وشوي شوي.. تقولين حبيبي..عشان مايقووول ملقوفه ماصدقت
والسموحة منج
بعدني ماعرست
يوم بعرس بخبرج
بس اتوقع مب شرط .. متى ماحسيتي انج تبين اتقولن له قولي
^_^
والسموحه
وقبل جيه مثلج كنت احاتي كيف و كيف
بس الحمدلله كل شي يستوي بروحه
يعني المفروض اول ايام ما تبدين على طول حبيبي ومادري شو
مثل ما قالت الاخت الحب ايي ويا العشرة ..
بس بعد هذا مب معناته انج اتمين جافة وياه
قولي الغالي فديتك وعقب ابدي في حبيبي .. بس خليها تطلع منه هو قبل
و بعدين تبين الصراحة يعتمد على الريال وكيف طبيعته في رياييل من اول مرة يقولون حبيبتي وعادي كل شي عندهم .. فانتي بتضطرين في فترة قصيرة تقولين له نفس الكلام .. اما اذا ياج واحد شوي جاف بتاخذين وياه فترة طويلة واذا هو ما بدى انتي ابدي بس طبعا بطريقة حلوة ومب مبالغ فيها عسب ما يحس تصنع ..
والله يسعدج غناتي
^^ انا الصراحه من ثاني مدري ثالث يوم اقول له حبيبي
لان يوم الملجه اعترف لي قال لي واخيرا خذتج والله احبج من زمان وطاح الحيى بينا
لووووووووول
على حسب الريال
بقولج احلى ايام فتره الملجه في البدايه وايد تحسينها صعبه حتى لما يتقرب منج تحسين غير
يعني انا مثلا كانت وايد زايغه اول مامسك ايدي صديته قلت اصبر اخاف تخاذ فكره غلط عني مع انه الحمدلله خلاص ريلي
علشان جيه لا تفكرين خليج على طبيعتج
بس بقولج في اشياء لازم تسوينها بغض النظر عن حبيبي وفديتك لااااا
مثلا تحمل على عمرك
الله يسهل دربك ما برتاح لين طمني وصلت ولا لآ
وعقب كل شي بطلع روحه انتي بتحسين من الله سبحانه سبحانه الله انج تحبينه وبتتقربين منه
بشكل حلو ويساعد علشان جيه لا تحاتين الحب بي مره وحده بس اول شي الاحترام
اكبري في عينه باحترامج له باسلوبج بكلامج حسسيه انج انتي خلاص كل شي في حياته
تقربي من اهله وخاصة امه اشتري لها هديه من فتره لفتره وقولي له انا حابه اهلك فاجائيه بشخصيتج بس تحملي تبالغين لانه كل بينجلب ضدج
ماعليج من الريال ترى يقول انتي خلاص حرمتي ومادري شو بس م اعليج منه طنشي ثقلي عليه في اشياء وبادري عليه باشياء فهمتي
وموفقه غناتي وسامحيني طولت عليج