كيف تبدا ألم الولاده لصحة الجسم

تولدين بالسلامه الغااااليه

للأسف انا مااعرف لأني توني ماربيت

ان شاء الله الخوات يفيدونا

حتى انا هالمره بربي طبيعي بس في بنتي كانت ادكتوره مقرره انها اتولدني عمليه لانه كان ماي الياهل ناشف ( بدا ماي اراس ينزل من الشهر الثالث ) وقبل العمليه باسبوع ياني طلق اسميه يعور هو يشبه الام الدورا اتحسيين شي بينزل من تحت عزج الله مثل الدوره هذا انا الي اذكره من الطلق لانه ياني بس 4 ساعات وعلى طول عالعمليات بس في هذلك الوقت انفس كانت فاتحه 4 سنتمتر
بس الله يعيين اذا هالمره بيلس لاين 10 سنتمتر الله يقوييني
بس يقولون اذا كلتي تمر يوم فيج طلق يسهل الولاده ومن ينزل الماي كل شئ يهوون
انا الي تعبني انه ما كان فيني ماي ولا جان خلوني اربي طبيعي
الله يسهل عليج وعليه وعلى كل الحريم

الله يقومك بالسلامه ان شا الله..
الألم يكون في الظهر و البطن مع بعض،زي وجع الدوره بس على أقوى و يتزايد ،و تحسي لبيبي يدفع و بطنك يتحجر،المنان تكون الفتره بين شدة الوجع و الثانيه طويله،و اذا غيرتي وضعيتك،يعني اذا نمتي على جنبك مثلا أو جلستي بيخف،و بعد كم ساعه بيروح..
لازم تسيري المستشفى في الحالات التاليه:إذا نزل ماء الراس،و إذا نزل عليكي دم بكميه كبيره(مو سدادة الرحم اللي هي مثل الإفرازات مخلوطه بدم)و إذا حسيتي البيبي ما عاد يتحرك،أما إذا نزلت عليكي مية الراس و السداده و بدأ الوجع إحسبي الوقت بين الطلقه و الطلقه،و بس يصير بحدود 7 دقايق و المستشفى مو بعيد روحي المستشفى،و إذا انتي بكريه لا تستعجلي بالروحه نصيحه لوجه الله حاولي تقضي أكبر وقت ممكن من الطلق في البيت..
و مسهله ان شا الله

الله يسهل علينا يارب

يزاكن الله خير على الموضوع

الله يسهل عليكم خواتى اللى بتربون قريب والطلق يختلف من حرمه لغيرها والبكريه غير اللى والده قبل انا عنى ما نزل على ماى بس الم الله لا يراويكم حوالى ثمان ساعات لين دشيت الولاده ومع الطلق والرحم يتوسع وبالاخر الكتوره هى اللى يابت شى وفتحت ماى الراس عشان ينزل يعنى يختلف حبيبتى واحسنلج خلك على عماك لانك من كثر ما بتسمعين بتتوهمين ويمكن ولادتج تكون اسهل من اللى سمعتيه