كيف اغسل عزكم الله الحمامات بنفس طريقه الفنادق عمل يدوي

هلا
وانتوا بكرامه خاطري اعرف كيف يغسلون حمامات اللي بالفنادق
لاني اشوفهم لما يدخلون عسب يغسلون الحمام ما يكون عندهم منظفات وايد
مب شراتنا ما نخلي شي ما نستخدمه
وما يطولون بالغسيل والحمام يلمع شرات المنظره ومن غير ما يكثرون من المنظفات
والله استغرب شو السر
ناويه المره اليايه ادخل معاهم الحمام واشوفهم ههههههههههههه

الغاليه سيري الجمعيه و خذيلج ايزي اوف بام ولا منظف العملاق (ماعرف شو اسمه عليه رسمة ريال معضل مكتوب عليه منظف الحمامات)

المهم هالمستحضرين ترومين تمسحين فيه ترسبات الكلس و الصدأ و تنظيف الارضيه و الحائط و كل شي.

تبخين كم بخه عالبقع و الارضيه و البانيو و بعد ثواني تمسحين و شوفي كيف البقع تخوز (شرات الدعايات خخخخ طلع صدق مب خريط) بس بعض البقع يبالها دعك.

و خذي بعد هاربيك حق المرحاض (الله يعزج) تصبين في المرحاض و تخلينه دقايق و بعدين تنظفين.

انا اسوي كل اللي فوق و زياده عليه اييب سطل احط فيه ماي و ديتول و كمفورت مال الملابس (طشووووونه بس عسب الريحه اذا حطيتي وايد تصير الارض ستيكي (لزجه))

المهم اييب ممسحه و استخدم المحلول السابق في مسح الارضيات و اليدران عسب الريحه اتم و بالمره تطهير (الديتول)

هاي طريقي اتا في حمامي.

شوفي اختي الجام بالحمام رشي عليه اجاكس و امسحيه !
البورسلان داير ما داير الحمام امسحيه بديتول او ملمع بورسلان!
الارضيه لها ملمع خاص و ممسحه خاصه و كل هذا بدون استخدام ماء وايد مو مثلنا نغرق الحمام عزج الله باماي و ما يطلع نظيف لان اشتغلت تنظيف في شركه تنظيف وعلموني بس طردوني بعد يوم واحد بسبب الحجاب