عزيزاتي
انا بحاجه لمساعدتكم
اخوي يبغي يعرس ويبغي وحده محترمه ونحن نختارها وعنده مواصفات يستحي يخبرنا فيها
اختي تخبرني اليوم بأن ريلها قايل: اخوج يقول ابغي مواصفات معينه في البنت واستحي اخبر خواتي
كيف اعرف المواصفات اللي يبيها 
هو يستحي يخبرنا وعيب انه يخبر اي ريال في البيت ويقول ابغي وحده مثلا فيها شي كبير او صغير، افهموني عاد
على فكره هو اصغر واحد يعني اخر العنقود وعمره 25 سنه
انتظر الحل منكم
واللي حابه تطنز او تستهزأ، تخلي هالشي لعمرها
وشكرا
ايلسي وياه ورمسيه قولي له انه لو ماقال شو اللي يبغيه بالظبط يمكن يختارون وحده وماتعيبه وتتفشلون وتفشلون البنت
قولي له اذا مستحي يقولج ف ويهج يطرش لج مسج وفهميه انه هالشي بيكون بينج وبينه ومحد بيدري به
حاولي تتقربين منه ، عطيه امثله من بنات العايله يمكن يكون حاط وحده ف باله او اللي يبغيها تكون شراتها وجيه
وربي يوفقكم ان شاءالله
وطبعا بذكائها ممكن تير منه الرمسه
او هو بيكون صريح معاها
وهذا شي من حقه.. بس المفروض تنبه ممكن نحصل لك وحده بهذي الواصفات
بس ما بتكون مفصله على الشي اللي يباه اعتقد انتي فاهمتني
عسب انه ما يتفاجأ… ويوم بتحصلوله بنت الحلال .. بيشوفها واذا دخلت خاطره بيقولكم
وسأليه أسئله عامه
يعني تباها دبه ولا ضعيفه
دامج اكبر عنه عادي ابدي انت واتخبري شو اللي يباه بالضبط
والمرأة تنكح لجمالها وحسبها ونسبها ودينها واضفر بذات الدين تربت يداك
عادي اذا في حد قريب منه فالبيت وااايد خله هو الي يسير عنده ويرمسه لانه مايستحي منه اكيييد
ومافيها شي احسن من انه تختارون بنت وتتوهقون بعدين اذا قال مايباها
وربي يوفقه ان شاء الله بالعروس الزينه
بس اعتقد لو يكتب لج بورقة احسن عن مسج //قوليله تخيل انك تكتب هالورقة حق عمرك و مول محد بيشوفها غيرك .. واكتب كل اللي في خااطرك فيها ..
و لكل حاادث حديث أختي ،،
موفقـة يارب
بس ان شاءالله تحصلووون الي تناسبه وحاولووا وياه وبتعرفوون شو طلبه