السلام عليكم
بدخل في الموضوع على طول .. انا احب واحد تقريبا من 7 سنين واهو بعد يحبني ،، ومن فترة أهله يو عشان يخطبوني وانا مستانسه لانه اخيرا بعيش ويا اللي احبه.. بس اللي حسيته من كلامه انه خواته (مب كلهن) ما يبوني لا وفوق ها بعد عمته تباه حق بنتها بالغصب
وايد ضايقبي هالشي لانهم بعدهم ما عرفوني وحكموا علي .. وهو يقولي ما عليج من حد يوم بيعرفونج وكيف انتي وياي بيحبونج وبيرضون بج ومالهم خص في حياتنا
بس مادري محتاره ماعرف شو اسوي واخليهم يحبوني ويرضون بي .. بنات اللي مرت بنفس تجربتي تخبرني شو سوت عشان هل ريلها يحبونها
ودعواتكن لي الله يسهل امورنا
غاليتي 
استخيري أول شي ^_^
وإذا هالريال فيه خير حقج بيكون من نصيبج
سواء أهله رضو أو ما رضو
وإذا لا حتى اذا أهله كلهم حبوج ما بيكون من نصيبـج ..
واذا حبكم كان شريف وما كنتي ترمسينه فبإذن الله رب العالمين بيبارك لج فيه
واذا غير هذا أختي فلازم تتحملين عواقب هذا الشي
يمكن أهله ما يحبونج أو يحررون عيشتج لا ساح الله
وربي يوفقج للي فيه الخير
ومفتاح كسب القلوب هو الكلمـة الطيبـة الصادقـة