كيف ابشر ريلي المومة و الطفل

هلا خواتي انا حامل وخاطري ابشر زوجي بجنس البيبي كيف اخبره ابا افكار وطريقه حلوه لان ريلي خارج الدوله دراسه ومطول وبيعصب لو خبرته لين رد البلاد وانا طول هالوقت اوني ماعرف وساكته

اتصلي فيه و سولفي عادي و في نص السوالف قولي له شو احساسك ؟ فيني بنت و لا ولد ؟ و عقب قولي له اليوم الدكتورة خبرتني شو ، و خليه ع اعصابه و اخر شي خبريه

اكتبي دلع الاسم الي اخترتوه حق البنت او الولد ع بطنج وصوري له وطرشيه هههههه

مثلا " في احشائي " خلودي" ………. والخ

واذا ما اتفقتو ع اسم .. اكتبي ذكر او انثى .

لا تقولين له نوع الجنس نصيييييييييحه خليه ليييين تربين……. ما تعرفين هالسونار مره صح ومره غلط
انا علي عيالي اشوف الفرحه في عيونه يوم ايييبهم ولا عني ما اقوله ابدا

لو انا بدالج بروح البحر وبكتب عـ الرمل BOY/ITS A GIRL وبطرشله
ههههه انا شوي افكاري فايجة ..

ما يا عـ بالي شي ثاني

انا لو مكانج
باخذ ملابس بنت . او ولد . ع حسب النوع اللي ف بطني ذكر او انثى

اطرش له صوره اللبس

واقوله , شو رايك لمن ( راشد يلبس هاللبس ) , بيطلع يخبل شرات ابوه .. لالا قصدي امه :*
او اي اسم هو يبا يسمي الجنين فيه

مبارك أختي ربي يتمم لج على خير ويرد ريلج بالسلامة , لو متعودة تطرشي له هدايا مع البريد السريع ( فديكس أوغيره) طرشي له علبة هدايا ملفوفة بورق الهدايا وبداخلها جودتي بيبتي أزرق لو ولد ووردي لو بنت . وكتبي على ورقة صغيرة أو كارت ( باباه :هذا جويتي حلو؟) .بس قبل تأكدي من السونار , ربي يتمم لكم فرحتكم بجيت الطفل سليم معافى ويبارك لكم فيه , آمين .