الله يحفظكم بنات 
انا انتقلت ل بيتي اليديد من فترة تقريبا 6 شهور
و البيت نصه لي و نصه ل ريلي قانونيا
و تدرون الوحدة شكثر تحلم انها تنتقل خاصة ما كان عندي لا خصوصية ولا شي
و و ام و ابو ريلي يراقبوني ع الطلعة و الدخلة
شو شريت ؟ شو الاجياس اللي وياي ؟ طالعة بروحي ولا ويا ريلي ؟
وين اراجع ف مستشفى حكومي ولا خاص؟
يعني الله يحفظهم فيهم لقافة الشواب 
و فيهم بخل فظيع
قلت يالله بدبر عمري و بنتقل ما على
و ريلي اشترى الأثاث بالتقسيط و انا شريت اشياء بسيطة و ساعدته ف الموضوع ع قدر استطاعتي
و انتوا ادرى كيف فواتير و كهرباء ……………الخ
الحين كلما دخلوا البيت يفتشون
و يحنون ع ريلي
و يراقبون شو شريت و شو سويت
و يبطلون الادراج و الكبتات
يعني بطريقة مب طبيعية ومب قادرة استحمل
قلت بقفل بيبان الغرف وانا اور ردي اقفل لاني ما احب الخدامة تدخل يوم البيت يكون فاضي من باب الحرص
إلا يجوفون شو داخل الغرف
وانا متمللللللة من طبعهم
هذا طبع فيهم و هي صفة البخل و انهم ما يحبون اشتري شي يديد او يسوي لي شي
عطوني حللللل
اقفلي الكبت والادراج وجابليهم مره بس باسلوب حسن وفهميه ريلج هالشي وهو ان شاء الله بيتفهم بس لاتجرحيه ولا تحسسيه انج خلاص طفرتي من حركاتهم والله يهديهم
ويسعدج انتي وريلج
واذا كان علي تبطيل الغرف عاديييييييييييييييييييييي لانج لو قفلتيهم بيتحسسون كبار السن ايلاحضون هذي الامور بس انصحج ادسين الاغراض اليدد بعيد عن عيونهم واذا استوت اي تلميحات كوني دبلوماسية في الرد مثل ماقالت الاخت بيت العمر = تراة بيتم عندنا فترة طويلة = او ابتسمي بس
المهم فكري بطريقة ايجابية ولاتعكرين مزاجج غمضي عيونج ورددي داخلج اليوم حصلت بيت احلامي وباجر ان شاء الله بيملون من مراقبتي شوي شوي
ربي يسعدج ويفقج ويجعلة بيت الهنا والراحة لج
اخذيهم بالمسايس .. يوم بتي عمتج تمي سولفي وياها وتعمدي يكون الكل في نفس المكان ولاتيودين لتلفون عشان تكونين فاضيه لها
وكل ماتبا تنش هاتي سالفه ..
سالفه تقفيل البيبان فنانه ويوم بتقول ليش .. قوليلها شلينا المفاتيح عشان مايضيعون او ولدج شالنهم
عشان ماتنعق السالفه عليج
وانا ويا الاخوات
سايسهم و لا تراددينهم و طنشي و استمري على قفل الابواب ودايما بخري بيتج مسك و لبان
و الله يوفقج