فديتكن أخواتي في الله أريد مساعدتكم في كذا شي سامحوني بتعبكم معايه .. أختكم الحلوه شو بتسوووون …
أول شي إلي مركبه باركيه كم مره تمسحينه في الأسبوع وشو تستخدمين؟
ثاني شي إلي عندها رخام في البيت هل المسح يكون يومي وشو تستخدمين؟
ثالث شي كيف نحمي بيتنا من لبكتيريا والجراثيم؟
رابع شي والحمدلله خلصت أسألتي كيف نظف الكنب ؟
والله يحفظنا وبيوتنا وأسرنا
بس الارضيه الرخام والسيراميك فيه منظفات وايد فالجمعيه وشغالتي تستخدم صابون شوي مع ديتول المطهر
والكنب فيه منظفات خاصه فيه
السموووووحه
الغاليه الخشب كل يوم مضطره امسحه لانه في غرفة المعيشه و استخدم له ديتول و ماي فقققققط لا تستخدمين ادويه وايد يتغير لونه و يصير املس بزياده و يزللق
و طبعا علمت الشغاله ان تعصر المساحه ززززززززين
و غرف النوم بعد عندي خشب بس مسحهم يكون يوم و يوم مو كل يوم يكفي تنظيفهم عالناشف و عندج في السوبر ماركت منتجات فلدا (VILDA)مساحات و بروشات و اسفنج بصراحه جوده و نتيجه حلووه
و الرخام لانه ميلس مره بالاسبوع او على حسب الاستخدام بعض الاحيان مرتين
و السيراميك عالناشف الممرات و مره بالاسبوع بالديتول
المشاركة الأصلية كتبت بواسطة just lolita 
فديتكن أخواتي في الله أريد مساعدتكم في كذا شي سامحوني بتعبكم معايه .. أختكم الحلوه شو بتسوووون …
أول شي إلي مركبه باركيه كم مره تمسحينه في الأسبوع وشو تستخدمين؟
امسحه يوميا بالماي والديتول
ثاني شي إلي عندها رخام في البيت هل المسح يكون يومي وشو تستخدمين؟
يوميا في وايد مستحضرات في السوق لتنظيف الرخام واهم شي التنظيف السنوي وفي شركات مختصة لتنظيف الرخام عسب مابفتقد لمعانه
ثالث شي كيف نحمي بيتنا من لبكتيريا والجراثيم؟
طبعا بالتنظيف اليومي واستخدام الديتول بانتظام
رابع شي والحمدلله خلصت أسألتي كيف نظف الكنب ؟
اتفضلي هالرابط وان شاء الله فيه الاستفادة ^_^
https://www.uaewomen.net/showthread.php?t=71570
والله يحفظنا وبيوتنا وأسرنا
والسموحة