في حمام الصغاريه بقعه لونها أصفر على بني يوم تغسلها الشغاله ماتروح فقلت دام انها يالسه ماعندي شغله ليش ماانظف الحمام بروحي وخليه بياض ولا أروع
(مقادير الخلطه السحريه الي كنت بموت بسبتها
)حطيت نص دبه فلاش +نص دبه كلوركس
وتفاعلوا المواد مع بعضهم وطلعت ريحه قويه تخنق وحسيت عمري اختنق والريحه دخلت في خشمي مب قادره اتنفس عدل
قلت لا مابطلع لين اغسله وا صب ديتول وازقر الشغاله بسرعه تكمل واركض افتح الدرايش واسوي دخون
واخذ نفس شهيق وزفير واحس الريحه خانقتني واكح
الحمدالله الحمدالله الله كتب لي عمر يديد 
وايد تستوي مثل هالنوع من الحوادث
انا عندي شغالتي مرة حطت داخل غرشة ماي صغيرة كلوركس ويا نوع منظف ثاني
وسكرت على الغرشة
وشكلة هالمادتين تموا يتفاعلون
لانها عقب كم دقيقة وهي ماسكة الغرشة
انفجرت …وغطا الغرشة صب ويها
وفعلا تعورت شوي
والحمد لله انها يت جي
والحمدلله على سلامتج أختي …
بعض المواد اذا تم خلطها مع بعض تعطي نتائج سلبية و بعضها يلتغى تاثيرها
انا سمعت مثلا اذا تم خلط الكلور مع الديتول يصير بدون فائدة
لازم كل ربة بيت تثري ثقافتها المنزلية بالاطلاع الدائم في مختلف المصادر تجنبا لحدوث مثل هذي الحوادث
الله ستر