كل وحده عندها إعيال في (( كي جي 2 )) .. تتفضل بالدخول تعليم الامارات

خواتي الغاليات ..
كل وحده تكتبلي في هالملف الخاص بالكي جي ( 2 ) بس
شو المنهج اللّي الطفل يدرسة – بالنسبة لجميع المواد – في مدرسته
وياريت تكتبين إسم المدرسة ….

……………………………………..

أتمنى التجاوب معاي وعدم إهمال الموضوع
عسب الكل يستفيد

الغلا ولدى يدرس فى مدرسة منهجها عربى ويعطونه لغة عربية يعنى الحروف وبعدين على الحرف كم من كلمة وبعدين تركيب الكلمات وبيعطونه رياضيات الارقام والعمليات على الخط العددى البسيط وتربية اسلامية وعلوم اشياء بسيطة مثل تركيب جسم الانسان و…..
اتمنى انى اكون فدتك .

مشكورة الغالية

بس أنا يهمني شو المنهج عسب .. يعني في التربية الإسلامية مثلاً شو السور اللّي ياخذها .. والأحاديث
والرياضيات لين أي رقم وصلو .. وخذو الجمع والطرح وألا لأ ..
والعربي ……….. إلخ

انا بنتي في مدرسة الامارات الوطنيه المنهاج الدولي على قولتهم بس الحمد لله مشيه يعني في التربيه الاسلاميه خذوا سورة الفاتحه والاخلاص والناس والفلق والعصر والهمزه والاحاديث مب وايد يمكن حديثين والادعيه دعاء الطعام و الخروج والدخول الى المنزل ودعاء الركوب ودعاء النوم ودخول الحمام والخروج منه واللغه العربيه طبعاً انا ما احس انه كانوا مركزين بس النصف الثاني احسن من قبل يعني خذوا كل الحرووف لانها تقريبا اعاده من الكيجي 1وتعرف قراءة الكلمات البسيطه وتقطيع الحروف ويعطونهم املاء بعض الكلمات البسيطه بالانجليزي مثل ,cat,bat,tan,ran,fan,i,mat, hat والرياضيات خذوا كل العداد ويكتبون لين الخمسين والعد لين 100والعمليات الحسابيه الجمع والطرح والمس قالت خلال ها الشهرين بتحاول تهياهم اكثر للصف الاول يمكن تعطيهم الضرب و الانجليزي تعرف كل الالوان والحروف والاشكال rectangular, square and triangle and the Oval ويعطونهم بروجكت بالانجليزي يتكلمون عن اي شي رحله عن العائله عن سفره ويا الاهل اي شيء بس يعلمونهم الجراه قدام الطلبه طبعا على ايامنا مافيه بروجكت الا في الكليه ههههه وبس اتمنى اني اكون افدتج

مشكورة الغالية أتمنى مشاركات أكثر من الخوات إن شاء الله