اتمنى الموضوع يكون مفيد للجميع
و ابغي اعرف من كل متزوجة سواء ربة بيت او موظفة
كيف تنظم يومها يعني
هل عندها جدول معين او طريقة ف التنظيف او التجهيز او ترتيب البيت او استقبال الزوج ؟
و تخبرنا عن سكنها هل ساكنة ف غرفة او شقة او بيت ؟
نبغي التفاصيل عسب نستفيد منها
و اخلي الخدامة ع راحتها لاني ما احب العوزها
و هي تنش الساعه 7:30 ف حالة كانوا اليهال مأجزين و انا مداومة
ارجع الساعه 3:00 الظهر
/////و اكون اليوم اللي قبله مجهزة و حاطة ف بالي شو بسوي
و مسوية سلطة او اي شي ممكن اجهزه قبل و ازهب سفرة الغداء و الصحون و كل شي و اخلي الخدامة تسوي او اخذ غداء جاهز
( بالاتفاق مع بو العيال يوم هو موجود يرجع اليهال دايما و يوم مب موجود انا ارجعهم او مرات الوالدة ترجعهم )
يوم ارجع نتغدى مع بعض و اخلي كل حد يرتاح و عقب معودة اليهال يرتبون حجرتهم يوميا و احط لهم ستيكرات ع اللوحة و اللي يجمع عدد كبير من الستكرز له هدية فمتفاعلين وياي
و بعدين كل واحد يذاكر لنفسه و يحل واجبه و امر عليهم و اراجع لهم ،،، و نبدأ تنظيفات البيت من كنس و كواي و ها الامور وانا عندي خدامة بس احب اسوي وياها و اكون قائدتها و اجيك عليها دايما ،،،،، من اخلص اخذ لي شور و اكشخ و عقب ارتاح شوي و ايلس مع بو العيال ،، و اخليها تزهب سفرة العشاء و الصحون و كل شي ،، والساعه 7:30 اسوي العشاء و الساعه 8:30 احطه و انام الساعه 10 المساء و اشخر ع طول
و اتفق معاها ع الغداء و نفس الحركة انزهب كل شي و انزهب السفرة ،،، و يوم العيال رقود و ابوهم راقد و مأجزين ما اسمح لها تدخل صوب قسمهم و يكون لها الحق تدخل المطبخ و غرفة الغسيل و الحوش و غرفتها بس تنظفهم و ترتبهم عدددددددددددددل ،،،
و ف الويك اند انش الساعه 10 الصبح او 9 الصبح و مرات انش 7 الصبح << متعودة ع نشة الدوام ههههههههههه و نفس الحالة ازهب الريوووووووق و يكون شي مميز
يوم الجمعة : الغداء برى البيت يا بيت ابويه او بيت اهل ريلي او نتغدى برى البيت او انييب غداء من برى ع قولة اليهال اوبن دي
نسيت اخبركم مرة كل 3 اسابيع اطلع مع ربيعاتي او اهلي لمول نتعشى او نتغدى فيه
و احاول بين فترة و الثانية اسير صالون سبا ادلع عمري و اقص ع بنتي و اخليهم يسون لها بدكير و تسكت و تستانس او ف البيت احط لها ماسك ع ويهها تستانس و اسوي اي شي ابغيه لانها لصقة
اصحى الساعة 8 الصبح (دوامي يبدا الساعة 9 ونص) اسوي ريوق نتريق اني وابو الشباب هو يطلع للدوام واني اخذ ابني والخدامة واوديهم لبيت اهلي (قريب من بيتي) وبعدين اروح للدوام .
اخلص دوامي الساعة 5 المغرب اروح سيدا للجيم اخلص التمارين الساعة 6 ونص وارجع اخذ ابني والشغاله ونروح للبيت
وعلى طول احضر العشا ويكون عشا فاخر لان هذه الوجبة الوحيدة الي نلتم بيها واحضر كل شي وادخل اخذ شاور واتكشخ وابخر البيت .
يرجع زوجي الساعة 9 ونص نتعشى ونشوف تلفزيون اكيد قناة رياضية ( صارت عندي خبرة بالفرق واسماء الاعبين بالاول كنت اعرف بس ميسي -سرو لزيزو- هههههههه) وانام بحدود الساعة11 .
واكون محضره غدا لزوجي لثاني يوم لان يرجع يتغدا بالبيت وبالنسبه الي اتغدا بالدوام .
يوم الخميس دوامي يخلص الساعة 2 ونص ارجع لبيت اهلي اخذ ابني والشغالة واروح للبيت الغدا يكون عندي جاهز قبل يوم نتغدا وبعدها ما اروح للجيم اروح ادلع نفسي يعني اروح للصالون او ازور صديقتي او اسوي شوبنك. والعشا يكون من برا على حسابي.
اجازتي بس يوم الجمعه نروح لبيت اهل زوجي او لبيت اهلي او نطلع لاي مكان..
بما ان ريلي دوام زامات في اليوم الي بيروح فيه للدوام اكون مجهزه ثيابه وكاوتنها من اليوم الي قبل انش الصبح على الساعه 5:30 وياه يلبس ويخلص ويطلع عقب اطلع وراه طبعا لا ريوق ولا شي لانه بعد ما يخلص الطابور العسكري يمر الكفتريا وياخذ له سندويشات وانا اتريق في الدوام ويا اربيعاتي..
ايام الدراسه اوصل الشقة الساعه 2 اطبخ شي على السريع اتكون وجبه خفيفه وسريعه ريلي يوصل عقبي ب نص ساعه لين يبدل اكون جهزت الاكل نتغدى ونخلص واشل الصحون واغسلهم واروح الكليه على الساعه 4 الاربع..
ارد البيت الساعه 8 المساء ريلي يكون رد دوامه مره ثانيه لانه اجباري يرقد في الدوام
ارد الشقه ارتبها وعلى الساعه 9 ونص او 10 ارقد
التنظيف فالويكند وغسل الثياب والكواي
طبعا الايام الي ريلي فيها دوام و اكون انا فالويكند نتم راقدين لين الظهر انش اطبخ ونتغدى ونطلع وما نرد الا فالليل
لاني مشغوله طووول الاسبوع فما عندي غير الويكند اسوي فيه كل شي ولو ابا اسير الصالون بعد واهلي ابات مرات عندهم يوم ريلي يرقد فالدوام …
اخلي اليهال يتريقون نفس الوقت يخلص ريلي ونروح الدوام على 06 ونص
ارجع الساعة 4 على طول اراجع واجبات اليهال وسولف وياهم لان احيانا ما نتغدى اليهال ياكلون قبلنا
عقب اخلي اليهال يلعبون اذا كانو شطار الساعة 6 يبدا العشاء و الشور على الساعة 7 لازم اليهال كلهم راقدين ماعدا الصغير اخليه لين اخر لحظة بعد ما يرقدون اليهال اذا كان عندي مشوار اسوية او اعشي ريلي ونام بدري ما نسهر
الويكند الخميس ريلي يطلع ويا ربعة الجمعة انا وريلي نغير جو السبت طلعت اليهال
ما عندي جدول معين..احب الليل اسهر وايد لان العيال يربشوني طول اليوم فاحس االيل هوه الوقت الوحيد اللي استانس فيه
واحس بهدوء..انا وريلي ما نهتم بالوجبات يعني متا ما نبا نطبخ واكثر الاوقات من برا والعيال لانهم صغار طباخهم سهل وخفيف..يعني ربة البيت
الملل فحياتها فضيع خاصه اذا كانت من النوع المحدوده علاقاتها برا وبالنسبه للربايع انا ما مسويه ربعه لان ما لقيت منو اتفاهم وياه…وريلي صار
صار يدرس جامعه من غير شفتات الدوام..فالاسبوع اسير مرتين عند امي واقضي اليوم كامل عندها..وحاليا ادور شغل وارجع لحياتي الحلوه قبل..
بااااايخ جدولي صح…::
انا جدولي جدول وحده مب معرسه للاسف
انا ساكنه ب بيت صغيرون ع قدي
كل يومين تقريباً افرز الملابس واغسل مثلاً الملابس البيضا واليوم الي بعده الملونه
و ما اكويهم بس اعلقهم وحزت الحايه اوكي الي بنلبسه
تنظيف ١٠٠٪ يكون يوم واحد فالاسبوع و بعدين بس اكنس البيت لما احس ان الارضيه وصخه
ما اطبخ ولا اسوي شي والسبب ريلي من النوع الي يفكر ويحاتي وايد انا احسه وسواس
عندي مطبخ جاهز لكن بدون غاز
ومب طايع اييب يخاف احترق وانا اطبخ ومحد يلحق علي او الكغاز ينفجر او شي مأساوي يصير!
مع ان اخته جارتي 
هالشي مسبب لي ازمه وعمتي واقفه بصف ولدها تقول انتوا الا ٢ انا بطبخ لكم
و يا نتغدى عندها او تطرش الغدا حقنا
و ع فكره ريلي مايخليني ايلس فبيتي بروحي بغيابه
ولان دوامه العصر فالنادي ف من العصر لين العشا يا اكون فبيت عمتي او بيت ابوي يومياً
وهالشي مضايقني لاني ماحس اني مرتاحه وماعندي وقت اعدل بيتي بذمه
ف قررت اييب خدامه عالاقل يمكن يتطمن ان عندي حد لاني حامل اتمنى يتغير تفكيره لان بتبهدل لو تم جذي وانا عندي بيبي
الموضوع عور قلبي احس مب جني حرمه بيت مع ان خاطري اسوي نفسكم
بس الله كريم والحمدالله ع كل حال
ربي لك الحمد والشكر