كل ام عندها طفل عمره في الشهور تدخل وتجاوبني للسياحة

على الاقل اصبري لين الشهر الياي مش الحين اذا قدرتي وقفي لان يوم بيكبر بيلعوزج من الحساسيات والاكزيما نفس بنتي وصلتبها لين المانيا ادورلها علاج وكله بسبب اني بديت ااكلها وعمرها 4 شهور..وبنتي الثانيه ما عطيتها لين ما كملت 6 شهور وفديتها الحين لا حساسيه ولا شي..والصغيره الحين نفس الشي ما بأكلها لين ما اتكمل على الاقل 5 شهور وتمشي في السادس..

وبعدين على كلام الدكتوره اول شي ياكل الياهل خضار وفواكه وعيش ابيض بسسسسسس كله طبيعي وشوي شوي دخلو السيريلاك والبسكوت وهاي السوالف..

والدكتوره في بنتي الثانيه علمتني طريقه انشالله تفيدكم وهي انه:

مثلا اذا دخلتي حق البيبي تفاحه عطيه كل يوم تفاح لمدة 3 ايام واذا شفتي عليه ايي تغيير في ها الايام معناه يحسس منه وما يناسبه..وهكذا مع كل نوع لين ما اتجربين كل الانواع وعقب سويي كوكتيل

وبالخضروات في خلطه عباره عن كوسا وبطاطا وجزر طبعا نفس الطريقه في البدايه كل نوع 3 ايام وبتحسن ان الياهل ما يعجبه بس حتى لو شوي عشان تكتشفين اذا يحسس والا لا وعقب اخلطيهم مع بعض في الخلاط بعد ما اتفورينه..