شو رايكم انسوي فايل خاص بمشترياتنا من القريه العالميه لهذي السنه خلاص ابتدا المهرجان واغلب الاشياء الحلوه بتروح علينا
شو رايكم كل وحده اتحط شي حلو خذته وعيببها وعيب الي حولها
———————————————————————
انا ببدا
القريه البكستانيه خذت من عند واحد باكستاني قطع مع شيلتها ب 50 درهم بيقولج ب 70 بس بيعطيج بي 50
خذت خواتم مطلايه بالفضه من القريه اللبنانيه طبعا يحسبونه لج على حسب الوزن
خذت خاتمين ب 1000 درهم محلهم اول شي وعنده محل في سوق الذهب لا يقص عليكم وايقولكم ياي من لبنان لوووووووول عشان اذا يطيح او يتغير لون الخاتم ارجعه عليه
خذت من القريه الاماراتيه من ريانة العود اختنا ام خليفه توته الحلوه وانا اشجعها على اشياءها الحلوه وكل ما اسير امر صوب محلهم اسلم على الفلبينيه مالتهم خخخخخ
انا الي يعجبني الدخون المكلي 100 العود المعطرالملكي 150 المخلط الملكي 120 خخخخخ احب اي شي ملكي 
ومخمرية الشعر خذتها اختي وايد عيبتها امممممم
شووووووووه بعد
مخلط علياء 50 والشيخه 80 وااايد بارده ريحتهم واسعارها زينه وتبقى في الثياب(ما خليت حد ما خبرتهم عنها) تراها وحده من التاجرات ويانا في المدونة ومن نفس محلهم خذت بزار طيب طعمه وخذت لريلي الغالي المخلط السحري او السحريه ب 100 رهههيييب ومخلط الشيخ 80 اطلبوا من الفلبينيه اتسوي لكم خصم بتسوي لكم …يا ويلي منج يا توته الحلوه
وياها في المحل دبي بيبي مال زيت شما
انزين شو خذت بعد
بهارات من اليمنيه كركم وسنوت وحناء لشعري وشي حناء للجسم خذته لاختي العروس وشي عندهم خلطات للعرايس واايده بتنفع العرايس
ماي ورد من المغريبه وخذت جلابيه ب 500 مغريبه طررررررر حلوه
وجاكيت من الافغانيه ب 200 درهم
ومكياج من القريه الكويتيه اول ما تدخلين على اليمين اسعارها غاليه شوي اختي العروس اتشرت من عندهم
ومن قريه ما اعرف كينيا او سينغال خذت من عندهم شاي وايد حلو ب 25 الكيس حلو للشاي الكرك
وبس ما تم شي في القريه
وخذت عربانه من البوابه اسهل للشل والساعه ب 10 دراهم
هاه شو تبون بعد احلى عن هالتقرير
بس للاسف انا ولا مره سرت القريه العالميه ..
ان شاء الله بزورها قريب
واسكتي عني انا مطيحه فيها
اشجع السياحه في دبي ههههههههههههه
بس خلاص مع بداية المهرجان بقر في البيت ما فيه على الزحمه
بس اذا شفت شي حلو بينعرض في هالفايل بسير
ولا بوصي عليه عشان احد ياخذ لي
أنا هالسنة ماسرت القرية إلا مرة وحدة ..
وكان أول أيام العيد .. وكنا مودين اليهال يلعبون ..
يعني السوق ممنوع وعليه x .. 
فـ دخلنا كمن قرية بس ان نطالعهم لين مانوصل الالعاب ..
وبسرعة بسرعة خذت هالكواشيات .. طبعاً ذبحوني عليهم 
..
من القريةالهندية ..
هو قال الواحد بـ 15 .. ونا خذتهم الـ 4 بـ 20 على ماعتقد ..
وخذت بعد من القرية الافغانية كوت يلد طويل .. انشالله بصوره وبحطه عقب ..
ويالله خبرونا بعد انتوا شو اشتريتوا ..
واممممم بعد ناوية اسير عند ام رشودي ………..
وناوية اشتري اكسسوارات من القرية اللبنانية لان اكسسواراتهم حلوووووووووووه………….
الاكياس القطنية من القرية الفيتنامية
دلاغات حريرية من الصينية
و البقية في هذا اللنك
https://uaewomen.net/showthread.php?t=163312
و إنشاءلله إذا رحت بحط لكم شو شفت أو اللي خذته …..
وين الباقيات
شاركووووووووونا