كل اللي همكم رياييلكم في ناس عندها بلاوي اخس عن الريل رعاية الاطفال

اكثر المشاكل اللي اقراها هني

عن ريلي وماذا فعل ريلي وريلي ورياييل وبعلات وبعاليل

في ناس اتعاني بحياتها معاناه اخس عن معاناتكم برياييلكم

والله خواتي على قولتهم اللي يشوف بلوة غيره تهون عليه بلوته

انا عندي اربيعات

عندهم اخوان اتعرفون يعني شو اخوان يعني من لحمي ودمي اللي ماروم اتبرى منهم طول حياتي

الريل عادي يبيعج بيوم وليله وياخذ غيرج اللي انتي ذابحه روحج عليه

عادي يحصل غيرج مليون

بس المصيبه لو اللي مأذيج بالعايله اخوان من لحم ودم

ولا ابوج الاب اللي بالنسبه لج العون والظهر والسند

ولا الام الام العاطفه والحنان والحياه كلها

اتخيلي حياتج بهالطريقه

ام جابتج لهالدنيا وعايشه حياتها ولا سائله فيج

ولا ام تشجعج عالمعصيه وتقولج روحي سوي جي عسب تجيبين لها فلوس وكله زنا ومعاصي

ولا ام كل يوم تصبحج على ظرب وتمسيج على ظرب

ولا ام تفرق بينج وبين خواتج

ولا ام تجلدج جلد !! هيه جلد بالحزام ولا بالسلك مال الكهربا ولا تحرقج بالكوايه ولا بالسقاره

ليش انتو مب عايشين بالدنيا هالاشيا وايد تستوي

والاب كذالك

ولا البنت اللي اخوها من لحمها ودمها يتحرش فيها صبح ومسى

واللي ابوها اغتصبها ومرات بشكل شهري كل شوي ايجيها

ولا البنت اللي ابوها 24 ساعه سكران ويجيب ربعه يسكرون معاه وعادي يتحرشون في بنته وهو ولا داري

ولا الاخ اللي عشان الفلوس ممكن يبيع شرف اخته ويغتصبها ولا يسوي لها كمين ويجيب ربعه وهي ماتعرف ويخليهم يغتصبوها وهو قاعد يعد بالفلوس

لا تتوقعون ان هذي خرافات

هذا للاسف واقع وايد بنات عانو منه وللحين يعانون منه

للاسف خواتي همنا الشاغل صار الريل

والريل ليش مو همه الشاغل حرمته

خواتي شوفو بلاوي غيركم وهونو عليكم بلاويكم

والله في حل واحد يحل لكم كل هالبلاوي هو لجوئكم لرب العالمين

اختي احمدي الله عالنعمه اللي انتي فيها

الله سبحانه وتعالى قال ولأن شكرتم لازيدنكم

عندج ريل قولي الحمد لله في بنات عنسن وهم مب معررسين عندج يهال قولي الحمد لله في حريم خاطرهم يسمعون كلمة ماما بس مو قادرين يربون

عندج صحه قولي الحمد لله في حريم مصابين بسرطان الثدي وبلاوي وعقم

عندج اب وام يحبونج قولي الحمد لله في بنات محرومين منهم وفي بنات يعانون وياهم

عندج اخوان وخوات يحبونج قولي الحمد لله في ناس ماعندهم خوات واخوان وناس تعاني من خواتهم واخوانهم

عندج بيزات قولي الحمد لله في ناس مب محصله تاكل

عندج ثياب تجنن قولي الحمد لله في ناس مب محصله لبس يغطيها ولا تتكبرين

عندج بيت ولا حتى غرفه لامتنج انتي وعيالج قولي الحمد لله في ناس عايشه بالشارع وتنام جمب الزباله ومب محصله لها مؤوى

عندج عيون تشوفين فيها قولي الحمد لله في ناس حتى نعمة البصر محرومه منها

عندج عقل يميزج عن الحيوان قولي الحمد لله في ناس عقلها وجوده والعدم واحد

دوم احمدو ربكم مهما واجهتو من صعوبات خواتي

ريلج لو اليوم متغير باجر بيرد لج احسن من قبل

مصيره يرجع لج

راجعي عيوبج وعيوبه

وشوفي ايجابياته راح ترتاحين وبتقولين الحمد لله ريلي احسن عن رياييل باجي الحريم

اتمنى خواتي لكم السعاده الدايمه

وهي بقربكم من الله راح تحصلون كل شي وكل شي تتمنونه

ولاكن بالصببر

الصبر

الصبر

والله ذكر الصبر اكثر عن مره بالقران