اليوم يايبتلكم طريقه جربتها على العشاء البارحة..
والنتيجه يميـ ـ يميـ ـ 
المقادير سلمكم الله ..
لحم/ دجاج مفروم حبه وحده
جبن كرافت حبه وحده
معكرونة نودلز كيس واحد تقريبا فيه 9 حبات
طماط تقريبا 3 حبات
معجون الطماط 3 علب
بهارات ( فلفل اسود – ببريكا – لومي مطحون- ملح – كمون)
فص ثوم
بصلة (حسب الرغبة)
ربع ك زيت
اول شي نسوي اللحم المفروم او الدجاج على حسب الرغبة .. بعد مانغسله نضيف له البهارات اللى نحبها ( كمون – فلفل اسود وملح وببريكا وممكن نسوي وياه صوص نضيف م صوص وطماطة مفرومة )..بعد ما يستوي نخليه على جنب ..
نجهز الدقوس
نسخن الزيت ونحط الثوم المفروم ويا البصل المفروم ونحمسه شوي وثم نضع البهارات اللومي والفلفل وغيره بعدين نحط الطماط الين ما يبدا يذوب شوي نضيف المعجون ونخليه الين ما يبدا يغلي …ونطفي النار تحتهـ ـ ممم ممكن نضيف بقدونس …
نكون بشرنا الجبن ومخلينه على جنب ..
ونفور المعكرونه اخر شي لانها تاخذ بس 5 دقايق ننزلها في القدر اللى فيه ماي مغلي وزيت وملح بدون ما نحركها بس ننزلها ونتركها تستوي بعدين نصفيها حبه حبه … وعلى صحن التقديم عشان ما يخرب شكلها …
نحط شوية جبن .. بعدين نحط من الصوص وم من اللحم المفروم ونرش الجبن من فوق مثل الصوره والجبن بيذوب بروحه من حرارة المعكرونه …
ونقدمه على طوووووووووووووووول مافيها كلام …
وهنيـ ـ وعافيه على قلوبنا وقلوبكم …
بس انا ماحب اللحم
بسً سهله
مشكوره الغلا على التواصل لاهنتيـ ـ …
قواج الله حبيبتيي