كب كيك البرجر من مطبخ الامارات

<< ما أحب أسوي حلى جاهز من العلبة إلا إذا كنت مستعجلة أو بتفنن فيه يعني لا تفكروني ما أعرف P:

الكريمة

جاهزة برضو << ما سويتي شيء
بس عطيت أختي الألوان و الكريمة و قلت لها اخلطيهم
و ما شاء الله عليها ضبطتها وطلعت الألوان اللي أبيها
بس حاست لي الدنيـا مو باينه الحوسه بالصور هههه

خلصنــا تحضيرات، نجي للشغل
1) نخلط المقادير كما هي موضحة على العلبة $:

<< لو تلاحظون كيكة الفانيلا شويه ، لأني ما فكرت أصورها إلا لما جيت بخلص ههههه

2) نرش الشسمه بالزيت (صينية صح؟ ) و نرشه عدل عشان ما يلصق الكيك (شفتوا حقي كيف يلمع خخخ)

3) نصب الخليط في الـ .. الـ صينية و اللي يبي يحط ورق بكيفه
استخدمت الورق في صينية وحده وندمت فما أنصح بذلك D:
واللي يبي يستخدم ورق لا يرش

4) ندخله بالفرن ونخليه إلا ما يستوي ويطلع شكله كذا ..
ننتظر لين ما يبرد شوي و نطلعه عشان ما يتفتت

5) بعد ما يخلصون كلهم نأخذ الكب كيكز ونقطعهم بالنص (الفانيلا + الشوكلاته)
الفانيلا = خبزة البرجر
الشوكولاتة = البرجر نفسه
بالصورة اليمين باينه

راح يتبقى عندكم كيكة شوكلاته ممكن تسوون فيه حلى ثاني

6) نضيف الحركتات للبرجرز هنا جهزت الألوان في أكياس بلاستيك مخصوصة لتزيين الكيكات

نبدأ أول شيء باللون الأصفر ( الجبنة ) على الطبقة السفلية من البرجر زي ما أنتوا شايفين في الصورة
بعدها نحط كيكة الشوكلات عليها و الكتشب والخس

يطلع شكلها تشيـــذا
و اللي يبي يحط سمسم عليه عشان يطلع شكله برجر صدق يجيب فرشاة ويحط عليها شووووية مويه ورشوا السمسم

التقديم كان هكذا D: عشان يكتمل الطبق قلت لبنت عمي تسوي بسكوت على شكل الفرينش فرايز