::كبسة ربيان::من مطبخي::بالصور:: من مطبخي

شحالكن خواتي عساكن بخير وعافيه..سويت من فترة كبسة ربيان وصورتها عشان انزلها ف منتدانا الغالي..وان شاء الله تعجبكن..

المقادير + الطريقهـ :

× اول شي نقلي بصل مفروم في قليل من السمنة او الزيت الى ان يذبل ..مع اضافة حبتين هيل وعود قرفهـ وورقتين غار..
× نضيف الفلفل الاخضر الحار والبارد مقطع قطع متوسطة والثوم المدقوق ونقلب..ثم نضيف كيلو من الربيان المقشر والمنظف مع ملعقتين من صلصة الصويا..
× نضيف البهارات( الكاري الفلفل الاسود بهار التندوري بهار السمك ملح سماق) ومكعبين ماجي..ونقلب جيدا..

× نضيف الطماطم المقطعه مكعبات صغيرة..

× نضيف صلصة الطماطم الى الخلطة ونقلب جيدا..

× نضيف البقدونس والكزبرة المفرومه الى الخلطة ونقلب..ثم نضيف كوبين ونص من الماء ويترك ليتسبك..

× نكون مجهزين ارز مسلوق ( نص استواء ) نصف نص الكميه في الجدر ونصب خلطة الربيان على الارز ثم باقي كمية الارز>> انا هني توهقت لانه كمية الماي كانت زياده فما كان فيه حل الا اني اصفيه ف المشخل :d وارجعه للجدر مرة ثانيه

× يوم رديته ف الجدر ,, بواسطة الملعقه الخشبية سويت فتحات متباعده..

× حطيت الجدر على نار هااااااااديه مدة نص ساعه..
× ويقدم مع السلطة..

وبالهنا والعافيه
محبتكم::غـلا26