سلام عليكم خواتي صراحه مالي غيركم اشكي الي في قلبي خوات ريلي زعلانات مني اناوريلي نسير مرات هناك وعندنا حجره رواحنا المهم وقامت تغار حرمت اخوريلي وتي هناك هم عندهم بيت هناك المهم لاحظت انها تغار مني وقامت تقلدني وتلبس مثلي وتعق علي نغزات جدام خوات ريلي وغيرتهم عليه من يومين ماقامت تحترمني اخت ريلي وقلت حق ريلي اسال اختك شوفيها عليه جي تكلمني وجان يسير عشان يكلمها وانا كنت وياه المهم جان يقولها يفلانه تعالي وقال مرتين ثلاث لين يت وعقب قال لها شو هالكلام جان تصارخ وتقول ياي تكلمني عشان هاي قال لها احترمي ولاتقولي هاي وتصارخ ع اخوها وقامت تسبني وتقول كلام وصخ وضربها لانها سبت بدون سبب وحاولو اخوانه ييودون ريلي وعمتي يحليلها وبعد حاولت لاكن هي تبا تضارب وياي والحين زعلانين مني بس انا مب سبب هي الي سبت ولايت تتاسف من اخوها والحين حرمت اخوهم كلا عندهم وهي الي غيرتهم عليه والله اصيح لانه مالي ذنب بالي صار هي سبت وانا ماقلت لريلي اضربها هو ضربها لانه تسب واكيد مابيسكت وهي تغلط المهم شو اسوي عشان كل شي يرد مثل قبل الحين وحرمت اخوهم الكبير هناك تجرشهم عليه قبل ماكانو جي الا يوم بدت تيي هناك وهيه عندها بيت في دبي وكانت تيهم مرات في منا سبات بس يوم عرفت انه نسير هناك بيت عمي قامو يون هناك وريلها مره يمشي عشورها شو الحل برايكم كيف ارد اكسب رضا اهل ريلي وحبهم لي والله اني احبهم وعتبرهم خواتي
للاسف هي عقليتها محدوده( مع احترامي لها) ..
ما احترمت اخوها عزوتها و لا سوت له جيمه عالعموم
ابتعدي قدر المستطاع مؤقتا الين تلين القلوب و دامج موب مسويه شي
خل راسج فوق ^^ و حرمه اخوهم الثانيه للاسف هي الي بتخسر فالنهايه
عالفتنه الي تسويها بين الاخوان !! الله يهديها و يهدينا يميع ..
.
.
دائما هدي ريلج و ليني قلبه على اخته وربي بيرزقج ع قد نيتج ..
وربي يحفظكم ..
اووييه ليش جي سوت ><
الله يهدييها
الله يهديهم
الله يسمع منكم خواتي الله يهديهم
لا حول ولا قوة إلا بالله
غاليتي 
انتي قلتيها وعدتيها مالج دخل بالي استوى
فخلاص هدي وخلي الموضوع ياخذ وقته لين ترد الأمور لمجاريها
بس لا تمنعين ريلج من أهله هو يسير ويزورهم
وانتي بعد لكنن زيارة خفيفـة وخذي وياج هدية
ودشي بنية الصلح طمعا في الأجر ..
وان ما استوى كملي حياتج وخلي الموضوع ينحل بروحه
طبعا ريلج ماكان له حق يضرب أخته حتى لو سبت يمكن يتعامل وياها بطريقـة ثانية بس مب بالضرب
لكن الي حصل حصل ,, الحين عطوا الموضوع وقت
ولا تستعجلين وادعي رب العالمين
و ربي يوفقج أختي
اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين
صراحة لاسف عقلية حرمت حميج مريضة شو بتكسب من وراء جي الي تسويها تغار منج بس انتي خلج احسن منهم وزوري عمتج بس خلي علاقتج مع حمايتج بحدود الله يهديهم وابتعدي عنهم هالفترة لين يحسون بغيابج بس خلي علاقتج بتليفون للين تهدي الاموار بنسبة للي زعلانة وتزاعق صدج قهرتني مايبالة غير كف يسنعها ماتتحرم اخوها شي وين عايشششين