قولوا مبروك….. سلامة الحمل

أخيراً يا حلوات …. باركولي….. أخيراً قربت من نهاية درب الريجيم اللي استمر 6 شهور ونص وبقالي كيلو واحد فقط وأوصل الوزن المثالي…. كنت 72 والحين 58.5 بشهادة الجميع صرت ضعيفة ورشيقة واستويت ألبس اللي

اسمحولي كنت آخذ نفس شوي… يللا أكملكم استويت ألبس اللي أبيه … دوم يقولولي بسج متن ونفخ ولأول مرة يقولولي بسج ظعف…. وطبعاً المشوار ما انتهى… من أنزل الكيلو الأخير ببتدي أثبت…. ومن كل قلبي أقولكم : الله ينولكم الضعف اللي تبونه…. وييلا نتلقى التهاني والتبريكات ونقول: ألو منو معاي؟

مبارك ما شاء الله .. يارب تنزلي الكيلو اللي باقيليك بالصحه و العافيه و ما ترجعي لوزنك الأول…
ياريت لو تفيدينا شو عملتي خلال ال7 شهور حتى نزل وزنك.. و مشكوره

ألف ألف ألف ألف ألف ألف مبرووووووووووووووووووووووووووووووووووووووووووووووك اختي الدانه
وان شاء الله للأمام وتنجحين في تثبيت وزنج
وادعيلنا نحن بعد نصير شراتج
وبالتوفيق عزيزتي

الله يباركلي فيكم إن شالله… صراحة أنا كان هدفي الأول من الريجيم هو الصحة والعافية بعد ما شكيت إن فيني سكري… الله لا يبليكم انشالله … ومن وقتها بديت بريجيم السعرات الحرارية المخفضة والنتيجة ما في أحلى منها…. صحة وعافية وثقة ورشاقة وعزيمة اتزيد يوم بعد يوم….

ما شا الله تبارك الرحمن….شو سويتي ….عشان تنزلين؟؟؟