قلة الحليب في صدري الايسر

مرحبا خواتي عندي مشكله وهي ان صدري الايسر قل فيه الحليب والغلط مني لاني كنت ارضع ولدي من صدري الاول اكثر شو اسوي ابغي ارده مثل قبل ساعدني

أختي الحمدلله على سلامتج ومبارك عليكم الطفل , ربي يجعله من الصالحين . بارك الله فيج , أحيج على التزامج بالرضاعة الطبيعية .
أختي سوي مساج لثديج مرتين في اليوم وأول ما ترضعي طفلج عطيه الثدي اليسار, وحتى لو حليبه قليل بعد أبدئ فيه , ولو الياهل ما رضع منه في البداية , أعصريه بإيدج أو أشفطيه بالشفاط . ودايما أستحمي بماي دافي وغسلي ثديج بماي دافي . صح مرات تفيد تحطي على ثديج اليسار كمادات ماي حارة , بس ما لدرجة أنها تحرقج , أنتبهي , وهذه الكمادات تحطيها عشر دقائق قبل المساج .
وبإذن الله تدريجياً زيادة إدرار الحليب .

الله يشفيك ماعندي خلفيه

الاخت وجدان ما قصرت

سبحان الله انا عندي الايمن اقل من الايسر
ومتاكده لو اني عودت ولدي على صدري الايمن ممكن يرجع الحليب
لكن صعب يوم تشوين الياهل يتفرفر من اليوع

لانج ترضعين منه اكثر
الحين اول مابترضعين رضعي من الصدر اللي فيه الحليب قليل وبعدين الثاني يومين او ثلاث ايام وبيرد يسوي حليب مثل الثاني