السلام عليكم ورحمة الله وبركاته ..
حيالله بنات صامدات بجد واجتهاد ..
أول شيء يابنات ياليت تحطون هالتوقيع كلكم … وجزاها الله خير كوكو من يد مانعدمها إن شاءالله 
وإن شاءالله هالموضوع بيكون فيه يومياتنا ومشاركتنا وتقاريرنا …والله يبارك في لمتنا ويحقق اهدافنا عاجلاً غير أجل ..
بنات قبل كل شيء حطي نقطة في بالك دامك تأكلين الأخضر واليابس وتخبصين تخبيص ماله مطب ..
تأكدي أنك انتي الوحيدة الخسرانة ماهو صاحب المطعم اليّ شريتي منه ولا السوبر ماركت اليّ قضيتي منه مقادير الطبخه ولا صااااحب الأيسكررريم .. فلا تلومين إلا نفســـــــــك …
من الآن خليّ شعارك لا لا للسمنة وأهلا بالرشاقة ..
وماينفع هالشعار إذا كنتي طايحه بالأيسكريم..
وإذا رحتي للمطعم ماخليتي شيء وماطلبتيه ..
دائما إذا رحتي للمطعم ركزي ع السلطات .. والمشاوي .. وابتعدي عن المقليات مثل البطاطس وغيرها.. والنشويات مثل الرز والمكرونة … خليك ذوق واتيكت في طلبك ..
لازم يكون في جوات نفسك عندك ارادة وعزيمة وحب الإلتزام والنظام …
حتى اليّ في مركز تخسيس لازم يكون عندها ارادة وإذا ماعندها ابداً ماراح تستفيد وكأنك ياعبيد ماغزيت .. لأن المركز مايقدر يخيط فمك إذا طلعتي ويمنعك من الأكل …
كل شيء متوقف على إرادتك وعزيمتك ..
من جد يمكن في يوم من الأيام هالمركز يحبسه مو بس يخيط فمه هههههههه
البنات المشاركات في قروب ( صــــــامدات بجد واجتهـــــاد ) ..
عددنا 16 وحده …
المجموعات …
الأحمر ( العدد 1)
اماراتيه…
البنفسيجي ( العدد 4 )
الجودية …
مريوم الشماسي ..
صمتووه….
غناتي …
الأزرق ( العدد 5)
نور القرآن ..
امونه …
ممنوع ..
روح الطموح ..
روز…
برتقالي ( العدد 4)
المصارعة ..
بدوية والنعم ..
أميرة الورد ..
ميار ..
أخضر ( العدد 2 )
أم مشاري …
كوكو …
ماشاءالله أكثرنا الأزرق …
أهم الشروط ..
1- المحافظة ع الدايت وتخفيف الأكل والبعد عن كل ممنوع مثل السكريات والنشويات ..
2- الإكثار من شرب الماء ع الأقل في اليوم 12 كأسة ..
3- المشي مدة 30 دقيقة ..
4- الإكثار من شرب الأعشاب وأهمها الشاي الصيني الأخضر ..
5- رياضة ع الأقل لمدة 3 أيام في الأسبوع والأفضل يومياً ..
6- عدم السهر والنوم باكراً .. انتظام النوم يساعد على تنظيم الوجبات والدايت ..
.jpg)
من جد النوم في الليل يجلب السعادة ..
7- البعد عن الغازات (اساس البلا) ..
مافيه احسن من العصائر الطبيعية ..
8- المشاركة اليومية وكتابة التقارير مع ذكر عدد دقائق الرياضة والمشي ..
كل وحده تكتب بنفس لون فئتها …
معلومات مهمة ..
1- معروف يابنات الرجيم يأثر ع الشعر عشان كذا انصحكم بفتامين جداً رائع ودكاترة التغذية دائما يوصفونه وأنا مجربته سبحان الله تغير شعر 180 درجة اهم شيء التزمي فيه وهو يصرف لأصحاب الرجيم لأنه يغطي نقص الفتامينات عندهم بسبب قلة الأكل ولأن مافيه غير 23 كلوري يعني مايسمن ابداً ابداً ابداً..
هذي صورتها …
وهو عبارة عن فتامين الزنك للشعر والأظافر .. والحلو إنه رخيييييييص بــ 14 ريال فقط ..
وموجد في اغلب الصيدليات ..
2- ثاني معلومه حبيت اقولها .. بنات رجيم من غير رياضة ماينفع .. ورياضة من غير رجيم ماينفع ..
هالشيئين تكمل بعضها البعـــض .. وتجيب نتيجه سااااااحقـــه ..
3- اعتمـــدي ع الفواكة والخضروات .. وحبيها من قلب لأنها هي اليّ بتفيدك بعد الله ..
4- لاتخبصيييييين .. عشان اخر الأسبوع ماتستغربين إذا شفتي نفسك زايده ..
معليش بنات انتن تخبصون وبعدين اخر الأسبوع تسألون ليش مانحفناااا ؟؟
تقصرين في المشي والرياضة وتقولين جسمي مايحرق؟؟!
بخصوص نظامنا والوزن ..
نوزن يوم الجمعة الجايه إن شاءالله بعد الإستيقاظ من النوم والذهاب للحمام ( الله يكرمكم) وع الريق ..
تنرسل الأوزان هذا الأسبوع ليّ وإذا جات جودية نرسلها لهاااا …
اكتبي وزنك وطولك السابق .. وتحتها وزنك الجديد .. مع تحديد عدد الكليوات أو القرامات الناقصة ..
وإن شاءالله مانشوف زيادة .. ولا حتى ثبات ..
الكل ينقص بإذن الله وينحــــــف ..
اجتهدي وجدي واطلبي من الله العـــــــون ..
لاتخلين الميزان يهرب منك من ثقلك ..
ونظام الرجيم البعض حدد والبعض لا ..
لازم تحطين في بالك نظام عشان تمشين صح من دون خربطه .. وتحصلين نتيجــه بإذن الله ..
نرجع نعيد العقوبات .. حتى نحس فعلاً إننا مو على كيفنا .. ونبي حماااااس وقبل كل شيء صدق ..
– اي عضوة تتغيب اسبوع وأكثر من دون تنبيه تعتبر خارج المسابقة ..
2- التخبيص وماادراك ماالتخبيص .. يكون العقاب الرياضة مرتين في اليوم حتى تعرف إن لله حق وتحرق هالكليوات اليّ خبصتها..
3- يسمح للمشاركات في قروبات ثانية التواجد ولكن عدم التقصير في المشاركة اليومية ..
4- لكل اسبوع راح تكون هناك عضوة نشيطة ويعتمد على حسب خسارتها للكيلوات …
ويوضع شعار العضوة النشيطة والصحية في توقيعها .. وهالشعار يتغير كل اسبوع على حسب الخاسرة الأكثر ..
5- راح يكون بعد شهر بإذن الله الرابحة الكبرى … وهي اليّ بتفوز في المسابقة على حسب مجموع خسارتها في اربع اسابيع …
يعني يابنات شدو حيلكم … نبي كل نشاطكم في هالشهر .. وبإذن الله بتنحفين ..
ودائما الزيادة تكون كيلو يجر كيلو .. الين مايصير 90
والنقصان هم بعد كيلو بعد كيلو .. وتصيرين نحيفة ومشوار الف ميل يبدأ بخطوة ..
انتظر يومياتكم وحمــــــــاسكم ياصامــدات ..وبحول الله نكون يد وحده ونتعاون ونســـاعد بعــض..
بنات انصحكم في هالعصير واعتمديه وجبة العشاء أنا اخذته من النت وجرربته وفادني كثيررررر ..
مقادير العصير الحارق للدهون :
1 حبة اناناس طازجه
اذا ماعندك او مالقيتي طازج مو مشكله
خذي 1 علبة اناناس معلب
3 حبات كيوي
3 حبات ليمون اصفر
الطريقه :
اذا اخذتي اناناس طازج قطعيه ارباع قشريه ثم قطعيه شرايح
واذا اخذتي المعلب كبي المويه اللي فيه برا واغسليه مرتين او ثلاث
حطيه بالخلاط
صبي عليه كوب كبير مويه او علبة عصير سيزر اناناس
واخلطيه اذا انخلط قشري الكيوي وقطعيه وحطيه مع الاناناس بالخلاط واخلطي
ثم غسلي اليمون وقطعيه بدون تقشير وحطيه بالخلاط مع الاناناس والكيوي
ولو حسيتيه ثقيل زودي مويه شوي
وخلاص حطيه بعلبه كبيره او جك واتركيه بالثلاجه
وكل يوم اشربي منه كوب وامشي بعد ماتشربينه اقل شي 10 دقايق
وبتشوفين العجب العجاب
