انزين حلفت محد يقووم…
اليوم يآآآ عثـــولاتـ قررت أكتب هالموضوع اللي من ربيت وانا خاطري أكتبه
بس مهآري مآ مخليه مجال مآخذه كل وقتي>>أديتهأأأ
المهم ربينا وخلصنأأأأ الحمدلله
أحينه بالله كيف أجسامنا
واحسرتااا على جسمي اللي كان قبل الحمل
احينه شي كرشه صغنونه وشي خطوط وتشققات لا وشي بعد كلف
انزين شو نسسسوي نيلس نندب حظنااا
طبعن لالالا والف لا
نحن جيل الكفاح مب الكسل>>>خخخ من وين
لازم يكون لنا هدف وهو نرجع رشيقااات مثل ما كنااا
وتكون لنا همه وهي ندور ونسعى ومانتكاسل حتى نوصل لهدفنااا
انزين يلا كل وحده تحدر لا تطلع جيه بصكر الباب انا
نبى الكل يشارك كيف نخوز الكرشه
هالمشد الاندونيسي ماحبيته طوووووووووووووويل ويباله عباله
والكلف والخطوط شو الحل معهن
واي شي فخاطركن كتبنه
ونبى تفاعل
وانه الله ييسرها علي عااااد عقب ببدا التنقيب والبحث
ثاكنس ملوكة عالجروب
ان شاء الله بكون وياكن ان الله راد
اختي هذا اسم شامبو و تونك للتساقط الشعر كتبته الدكتوره Anagen shampoo & Anagen Scalp Tonic
يااعيني ع اللي شاده الهمه ما شاء الله خخخ
ممممم
شووفي ,, انا الحمدلله عقب الولاده نقصت 9 كيلو بدون اي جهد هع هع
يعني راحت الكرشه وتعرفين اول فتره فالاربعيين الوحده مالها خااطر للاكل ابدا
والحييين بصراحه ما اسوي ريجيم حرااام لاني ارضع بنووتي ولازم ما احرم عمري من شي
اللهم اني بس اخفف الاكل ,, الحمدلله ما استويت آكل شرات قبل ههههههه
مممم وبالنسبه للتشققات وهالسوالف موول مالي باارض اهتم فيهم ههههههه
والله يختي عبااله يكفي تربية الياهل وبعد انا اسير الكليه وطول الوقت انا تعبانه
فبخلي هالسوالف لين تكبر شوااقي شوي ^^
موضوع حلو انا بعدني في شهري التاسع بس يايني اكتئاب من البطن من يومين يوم شفتها متشققه
وعندي وايد افكار لبعد الولادة
إمفكرة أول شي أستخدم مشد يبالي أصوره لكم بس متعايزة وااااااايد زين خواتي إستخدمنه وما شا الله عليهم ولا كأن فيهم كرش ولا شي وينباع رخيص
ثاني شي إمفكرة أداوم على شرب الزعتر والحلبة والنعناع والشوربات والبابونج والزنجبيل يعني كل يوم شي
ثالث شي طبعا بعد كل حمام وقبل أحط المشد إمفكرة أدهن جسمي كله بزيوت لاني إستخدمت كريمات مال التشققات وكله خريط من جذا حابه أجرب زيت اللوز المر وزيت جونسون وجنين القمح مع بعض
رابع شي أداوم على الأكل الصحي يعني ببعد عن المقالي والأشياء الدسمه بس باكل زين لان الأكل إأثر
طبعا بحرك نفسي بالبيت مع إن عندي شغاله وها أول بيبي بس طبعا بطبخ بروحي ..بسوي رياضه خفيفه لمدة نص ساعه مشي
طبعا ما ننسى نهتم شوي بعمارنا ونظافتنا وأناقتنا لو بشي بسيط لان الوحده بتكون تعبانه طبعا هالإهتمام يباله موضوع بروحه وأنا ما أبى أطلع من الموضوع من ناحية الشعر والبشرة وسوالف الصالونات
ها الي يخطر ابالي ألحين وإذا اذكرت شي بعدين
ياااااااي
انا هذا الموظوع الي كان ماخذ تفكيري ومحاتاتي
يزاج الله خير ملوكه ما قصرتي
بنستفي واااااايد