قصه ولادتي ..العيد عندي عيدين .. لصحتك

هاذي قصه ولادتي بولدي ..عزوز..ثاني يوم العيد الفير.و العيد صارلي عيدين ..ههههه
اسمحولي عالتاخير لاني توني راده بيتي

المهم

موعد ولادتي كانت ب 10.10 .2017……..بس الدكتوره عطتني موعد ولاه في 6.10.2017

و ليله العيد كان عندي موعد عند دكتوره امل في مستشفى النور .
و بعد ما دخلت عليها حطتني عالجهاز عشان اتشوف اذا عندي انقباضات و لا لا ..
وقالتلي عندي انقباضات خفيفه .. و جان تفحصني ..وشافته يدوب سنتي واحد..
و قالتلي لو مستعيله عالولاده روحي امشي ساعتين و ان شاء الله اتزيد الانقباضات ..و ترجعين عشان اتربين ..

صح كنت مستعيله عالولاده خاصه اخر اسبوعين ..بس ما ابي اربي ليله العيد ..هونت
المهم رحت البيت و زهبت اغراضي لبعد الولاده و اغراض العيال
و ملابس العيد ..

يوم العيد الصبح قررنا انا و ريلي دام اني العصر بروح الشارجه اعيد على اهلي هناك بشل الاغراض
و الشنط معاي في حال اذا بغيت اربي و اذا ما ربيت بخلي الاغراض اللي ما ابيها هناك
لاني بروح بيت الوالده بعد الولاده ..في الشارجه

و بدأ العيد و المعايدات و التهاني و التبريكات
و على الساعه 3 العصر حسيت بانقباضات اتروح و اترد
بس قلت بتريه لين الساعه 5 العصر و بشوف اذا ولاده و لا لا|…..و الانقباضات كانت اتزيد
و حسيت انه اليوم يومها بربي ان شاء الله ..
و يوم خبرت ريلي قالي شو اتروحين الشارجه و لا نرجع البيت على اساس اني بربي في النور
قتله خلاص جي و لا جي بروح الشارجه جان ولاده بروح مستشفى خليفه بعيمان ..
و طلعنا من بوظبي و انا الامي مردها اتزيد و اتزيد..
و كلمت الولاده اني يايه و فيني ويع ولاده .. وصلت بيت الوالده ع الساعه 8 الليل
و قلت لريلي سير نام جان زاد الويع بنروح المستشفى ..

بس المشكله
بعد ما وصلت و بديت امشي الويع خف و لا جنه فيني ولاده و لا ولا شي
تميت ساعه و انا على هالحال و عصبت خلاص توني بموت من الويع في السياره و الحين و لا شي .؟؟
الوالده اتقولي اكيد مو ولاده …بس انا مربيه مرتين واعرف كيف ويع الولاده..
رحت قومت ريلي قتله يلا بروح المستشفى اشوف شو السالفه ولاده و لا لا ..

رحت مستشفى خليفه مع امي و ريلي..
و بعد ما شافتني الدكتوره قالت ……………………………..

ولاده و مفتوح 3 الى 4 سانت استانست لاني اخيرا بربي …و انا متعوده في ولاداتي ريلي يكون معاي..بس
في مستشفى خليفه ممنوع أي حد يدخل معاي ..زعلت شوي بس قلت المهم اربي بالسلامه و الله معاي
و قلت لريلي سير البيت و ود امي معاك جان ربيت بتصل فيكم .والساعه 11 راحو البيت
و انا في غرفه الولاده و ما فيها أي حد فاضيه ..و تميت لين الساعه 1 و مافي ويع بس على الساعه 1و نص
بدا الجد و بدا معاه الام الولاده و يا ربي يعوووووووووور واااااااايد يعووووووووور
بس سبحان الله كنت هاديه و كل ما اييني ويع كنت ادعي الله يسهل عليه و ادعي حق أي حد اتذكره .
و الحمدلله تميت اتحمل الويع لين الساعه 4 خلاص حسيت ان الياهل بيطلع ..
و يو النيرسات و كانو وااااااايد طيبات و هاديات
و تمام الساعه 4 و نص ..بتاريخ 1.10.2208

وصل ولدي الحلو و الكتكوت ..و سميته عبدالعزيز ..
و حطوه على صدري فديته وااااااايد استانست اني ربيت بالسلامه
و الله
سهل عليه و الحمدلله ..
و الله يسهل على كل الحوامل و يرزق كل محرومه..

و اتصلت في ريلي و امي
و يو بعد ما صلو الفير
و عالساعه 8 الصبح ودووني غرفتي ..