شــحالـــكم ؟ عسأكم مرتاحين وماكلين تفاحتين
مثل ما تشوفون الكتاب مبين من عنوانه اقصد خخ الموضوع مبين من عنوانه
أريد أكون قروب بنــات نمشي مع بعض لين آخر هالـشهر ونكون ناقصين عالاقل كيلــوين >>لين هنيه حــلو ؟
وبيكون يوم واحد بس فــري بالاسبوع عشان مايتعود جســمنا على الـرجيم
حبيت أنقلكم من الاشيا الي جربتها وفادت صدق فيني
1- تحاولين غلايه بقدر الإمكان إنج تبتعدين عن العيوش>> اذا كنتي تبين تنزلين بسرعة
2- تستبدلين الخبز او التوست الابيض بالأسمر لأنه غني بالفتيامينات ويحسسج بالـشبع
3- تشربين ع قد ماتقدرين ماي قبل الوجبة عالاقل بنص سـاعة و تكون كمية المية ليوم كامل( لترين) وهالشي طبعا بيعكس نتيحة إيجابية لبشرتج و بيبين فيها الحيوية و النشــاط
4-تبتعديين اذا امكن عن الحلــويات والجبـسات وحتى باليوم المفتوح لاتقربين منها
5- إذا فكرتي تشربين مشروب غازي فاختاري الكولا دايت و البيبسي او السفن اب( المهم يكون دايت)
6- تبدين وجبتج بــسلطة وكل يوم تشكليــنها على كيــفج = ) عشان ماتحسين بالملل
7-تسوين رياضة بسيطة ( مشي نص ساعة – تمارين )
قـصة حيــاتـــــــــي ::
الإسم : أم حـارب
الطول : 160
الوزن :55.5
طبعن بتستغربون بتقولون هاي تدلع ومايحتاج لهــا بس شوووفوو انا ماوصلت هالوزن بسهــولة ^^
قبل شو كنت و الحين شو صرت
هدفي أوصــل 50 و يكون جســمي حلــو و رشيــق مثل الاجنبيــات تراهم هب أحسـن عنا صح ولالا؟
وهالـأشيا الي استفدت منها وااااااايد برجيمي وخلتني انقص 15 كـيلو ( ماشاء اللــــــــــه ) من بعد شوو .. الكل كان ينظرلي نظرة اني متينه ومافي شي يناســبني و هالنظرة كانت وايد تؤثر فيني .. ويوم ادخل المحلات واشوف اللبس كنت انقهر لأن اللبس حلو بس مع هالوزن الزوايد تنبان وطبعا الخافي اعظم ويختررررررررب موديل هالفستان و يطلع بالمرة مب حلــو .. و من هاليوم خلاص قررت اني ابدا الجد ..
كنت 70 و الحــين صرت 55.6 ^^
فحبيت أنقل هالمعلومات القيمة حقكم عشان الكل يستفيد
بس طبعا اكيد انا وحده مب كامله واكيد بشتهي حلويات وخرابيط .. كنت آكل و أخبص بس الحمدلله وزني ماكان يزيد وايد لان رجيمي كان صحـــي وماكان فيــه حرمــان ^_*
الحـين بتكلم عن اليــوم المفتــوح ::
اذا امكن انج تروحين مثلا اي مطعم خاطررج فيه مثل ماكدونالز او كنتاكي او قصر الهند ( ماشاء الله دعايه )
تاكلين الي تبينه بس بحذرررر ارد و اعيد بحذرر
وحاولي ان اليوم المفتوح تكون فيه بس وجبة وحده مفتوحة .. كـــــــــيف؟؟
يمكن تبين ادلعين عمرج وتتريقين ريوق ملكي في قصر الامارات وشنغريــلا .. تاكلين الي خاطرج فيه بس وقت الغدا والعشا تخــففين ,,
و اذا كانت وجبتج المفتوحة الغدا .. الريوق و العشا تخففين فيــه وهــكذا ..
نصـيحة ::
إن وصلتي الوزن الي تبينه لاتوقفين رجيم وتقولين خلاص !!
خــلي التخفيف و الأكل الصحي هو مســار حياتج
الحين الكل بيقولي اوكي والزبدة اخلصي شو تبين منا خخخخ
الغاليات ابا قرووب بنات اساعدهم ويساعدوني عشان ننزل بصــحة و عافيه
والحـين منوو بيشترك معـايه يرفع ايده لووول
للإشتراك ..
لازم تحطون هالبيانات
الطول ::
الوزن ::
الهدف لهذا الشهر::
بنات حبايبي لاتستحون من اوزانكم ,, والله الي يستحي مايعيش ( والله عن تجربه)
انا ببدا بنفسي
الطول :160
الوزن: 55.6
الهدف لهذا الشهر : 53
اريد بنات ملتزماااااااااااااااااااااااااات اذا امككن
تسلميييييين ع الطرح الغاااوي
الطول ::148
الوزن ::40
الهدف لهذا الشهر::اممم 36 بس مب مهم عندي الوزززن
بس انا مشكلتي واييييييييييد بسيطه وما ادرى شووو الحل
انا عندي اشووووووووووووووووووية انتفاااخ تحت الخصر ابي يخففف كيييييييف ما اعرف
بس الحين والله كل اجرب خلطااات وجاااي اخضر+اعشاب بنت السلطااان+اعشاب العطار(الخلطه المنحفه)
فيدووني وان شاء الله بسجل معاااج
تحيااتي لج
انا بشاارك طبعا مشاركه في مواضييع ثانيه بس ابا موضووع فيه حمااااس
و وعد مني بالالتزاام والجديه
الحين انا فالاسبوع الثالث والحمدلله كان وزني 82 والحين 80 ويوم السبت بوزن وبقوولج وزني اليديد
هدفي كل اسبوع كيلو بس
اخفف اكلي واخليه صحي واكل الي في خاطري
4 قواعد اطبقها ل بول مك كينا
القاعدة الذهبية الأولى : عندما تكونين جائعة تناولي الطعام
القاعدة الذهبية الثانية : كلي ما تريدين , لا ما تعتقدين أنه يجب عليك أكله
القاعدة الذهبية الثالثة : تناولي الطعام بوعي و استمتعي بكل لقمة منه
القاعدة الذهبية الرابعة : عندما تعتقدين أنك شبعت توقفي عن تناول الطعام
الطول ::153
الوزن ::80
الهدف لهذا الشهر::76
ومن باجر بحط يوميااتي وبالصور
ودي اشاركم وياكم
بس المشكله ملتزمه مع رجيم نيوترشن لين آخر الشهر 
بس أنا نظامي التخفيف علشاني أرضع ومافي
يخف عندي الحليب وخاطري أنقص خمسة كيلو
بس على دفعات
طولي 161
ووزني مرات 67 وأحيانا 66
فياريت تقبلوني معاكم