مستحيل اشارك ف ها القسم لفترات طويلة وما اشارك بتجربتي او باللي مريت فيه
يمكن اغلب البنات تمر سنيين و شهور و هم يشاركون بالقسم
من حملن ولا يحطون تجربتهم
من فترة غيرت طريقة حياتي
سواء من الناحية الصحية او الاجتماعية او النفسية
من الناحية الصحية
– وصفت لي الدكتورة جلوكوفاج 500 ( حبتين ف اليوم)
– فولك اسد ( حبة ف اليوم)
– عصير اناناس مرتين ف اليوم ( طول ايام الدورة فقط)
– حبة حمراء حارة ( طول أيام الدورة فقط)
-المشي 3 مرات ف الاسبوع ( نزلت 5 كيلوو )
– الإكثار من السلطات و الخضراوات الورقية
من الناحية الاجتماعية
– خفيت العصبية و الحنة و الرنة 
– حاولت ادلع عمري بين الصالون و السبا و الطلعات الخفيفة مع الاهل و ربيعاتي و بو العيال
من ناحية ايام التبويض
– تحديد ايام التبويض
– عدم الاغتسال بعد الجماع و الاغتسال ف الصباح
– الجماع يوم و ترك
و الحمد الله انا شهور تمر و سنييين
ما غيرت نفسي
لين قبل شهرين التزمت التزام كاااااااااااااااااامل باللي كتبت
للعلم كان عندي تكيس ف المبايض بشكل كبير و فظيع 
و الله يحفظكم بنات
اللي تبغي رب العالمين يرزقها
لازم لازم تغييييير نفسها
و تسعى للعلاج بكل الطرق
و تلتزم بعيادة او دكتور واحد
و مب كل شهر مطيحة عند دكتور
و بليز خواتي مب اي وحدة تقول شي تسيرون و تسونه
شرات الادوية الشعبية و اللي ما في عليها اي رقابة
و اللي وزنها زايد او ما فيها لياقة صحية لازم تغير نفسها الحين
و ادعوا لي اللي يثبت حملي ان شاء الله
و بدعي لكم بالحمل السليم و تشوفون عيالكم ان شاء الله ها السنة 
تمي جي وحافظي على صحتج ونفسيتج ^^
وربي يثبت حملج وتقر عينج بشوفة الكتكوت سالم ومعافي يارب ^^
ومباارك يالغالية