الموضوع منقول لتعم الفائده للجميع.gif "13 (20)")
تخيلي نفسج في هالموقف…اقري القصه وقولي شو ردت فعلج….!!
في الأخير استشارة الدكتوره أفضل من أخذ كلام الخوات عن التحاميل اللي تنباع ف الانترنت من دون وصفة طبية
.
.
عني أنا لو تنطبق السما بالأرض ما استخدم التحاميل اللي تنباع ف الانترنت من دون وصفة طبية^^
خواتي الغاليات
ابغي اخبركم عن نتيجة التحاميل العشبية اللي اخذتها من حرمة تسويها وتبيعها ..
انا من كثر مااقرا مواضيع اللي يكتبون عن التحاميل انها تضوق وترد المنطقة مشدودة وضيقة تحمست اجرب التحاااميل مع اني خوااااافة حدي وانتوا عارفين المنطقة حساسة وفيهااا بكتيريا نافعة وتحمي المهبل من الجراثيم ..
قصتي صارت امس ..كنت شاريه تحاميل من حرمة تسويها وتضبطهاا وتقول انها تضيق المنطقة وتشدها وتنظف الحرمة ..انا كنت مخبيتها عندي يعني شريتها ومااستعملتها وبعد ماقريت عدة مواضيع بهالخصوص قلت اتوكل على الله واجرب ماني خسرانة شي..
المهم حطيت التحاميل وتوكلت على الله ولبست الفوطة ..ونزلت معااي بعض الافرازات وبعدها حسيت بتحجر المنطقة …طنشت قلت يمكن التحميلة قاعدة تشتغل من جوى وتنظف لي المنطقة وانا مستانسة ..
وبعد 4 ساعات حسيت بالم خفيف في المهبل
حطيت صبعي حسيت باشيااا داخل المهبل لاصقة ..مت الخووف ..التحميلة ذابت وسكرت المهبل سدت لي المكان ..
قعدت اتغسل واحاول اسحبهااا ..طلعت شوي منها وموجودة بقااايا محشووورة عدل ..والله العظيم الم لايطااااق واحمرت المنطقة وانتفخت وانا احول اطلع التحميلة ذايبة ولاصقة في القناة المهبلية…
فكرت وفكرت رحت الصيدلية وشريت تحاميل بيتادين وحطيت وحدة بالليل عشان تنزل المحشور من التحميلة
نزلت بلاوي والله …
ولكن بعد في بقايا مانزلت احط يدي محشورة التحميلة من داخل واحاول اخرج منها لكن مايطلع شي ..حتى جلدي تسلخ ونشف ..وااااه من الالم..
رحت اليوم من صباح الله عالمستشفى ..اصلا امس مارقدت من الالم والمعاناة …ودخلت للدكتورة وفحصتني واستغربت ..وقالت انتوا الحريم تلعبون باعماركم..ونظفت لي المنطقة وغسلتهااا وقعدت تحفر بالشاش وانا اصرخ من الالم وقسم بالله تصبب من جبهتي العرق ..شيء مؤلم..
والدكتورة مستغربة وتطلع وتطلع وتوريني البقايا اللاصقة بجدران المهبل والمهبل من جوه …
وبعد ماانتهت ..وصفت لي ميبو احطه للجروح من الداخل ..عملت لنفسي تسلخاااات والله اني جنيت على عمري …
والحين فيني الام لما اجلس والله مثل الوالدة ومخيطينها ..لكن الحمدلله على كل شيء ..ونصحتني بالتوقف عن الجماااع لان تلتئم الجروح ..
مسااااااااكين احنا يالحريم نعمل الهوايل بنفسنا عشان نسعد ازواجنااااا وهم عااايشين حياتهم لاهم ولاغم….
شرايكم بقصتي ابغي اسمع الردوووود…والله على مااقول شهيد…
استودعكن الله
منقوووووووووول
والله اني خفت .. شهالحاله .. الي نحن فيها خلاص تحذرو من كل شي حريم لاتثقون في شي ابدا ..
هاي منطقه حساسه مب …
الله يستر
الصراحه انا اسمي هالشي تخلف يعني يوم شي دكاتره ليش تتعبثون و تلعبون بعماركم؟
يمكن التحميله الي حطيتيها فيها شب وهو قوي ويضوق المنطقه و لكنه يصلخها ومضر ما ينفع والحمدلله ما استعملته ولا افكر احط شئ غير الملح ومرتاحه عليه من سنين والله يشهد انه الدكتوره قالتلي استعملي الملح مطهر بعد الدوره مره في الشهر ولا تحطين شئ ثاني
وعن الزوج صدقيني اذا الحرمه ريحته وسوتله الي يبا ما يهمه واسعه والا ضيقه المهم يرتاح في الجماع