مرحبا بكل الحوامل والله يسهل عليكم ان شاء الله
اعذروني لاني طولت عليكم وما كتبت لكم قصة ولادتي تعرفون التعب بعد الولاده
المهم قصتي ابتدت من يوم الجمعه تاريخ 10 دق في راسي اني اشرب حبوب زيت الخروع عشان بسرعه اربي وشربت 4 حبات ولا ياب فايده ثاني يوم شربت بعد 4 حبات +الزيت اللي عطتني الدكتورة زينب لان خلاص المستشفى كانو عاطيني موعد للطلق الصناعي تاريخ 12 بس انا كنت متكلة على الله وعندي احساس اني بربي بطلق طبيعي
المهم يوم الجمعه في الليل وداني زوجي نتمشى على الكورنيش وتمشيت واااااااااااااااااااااايد لين ما تعبت وبعدين سرنا تعشينا برا كله هدا ما فيني لا الم ولا شيء يينا البيت ونفسيتي تعبانه لان باجر السبت وبعدني ما ربيت وموعد الطلق جريب
نمت عادي في الليل الساعه 2 بالضبط ياني الم من جهة اليسار قلت عادي مستحيل هدا الم مال الولاده وبعدين انجلب وياني الم مرة ثانيه بس الالم كان مستحمل لين الساعه 4 الفجر زاد شوي ما بغيت اصحي لا زوجي ولا امي قلت يمكن يكون وهم صبرت لين الساعه 6 صحيت امي الله يخليها وقلت لها فيني الم يروح ويجي قالت خلاص ان شاء الله هدا الم مال الولاده الحمد الله قلت لها انزلي وياي اتمشي برا تمشيت شويه وقلت لها اعطيني يانسون وشربت كاسين بس على الساعه 7 زاااد الالم وما صبرت صحيت زوجي قلت له خلاص الم قالي يلا على المستشفى سرنا بس لحد الان الالم مستحمل شويه دخلت على الطوارئ فحصتني قالت فيج بوادر ولاده وانتي الحينه مفتوحه 1 سم قلت لها بس قالت بس ان شاء الله عنق الرحم عندج قابل للانفتاح بسرعه يعني رطب وان شاء الله اليوم بتولدين بس بعدج مطوله وحرام ارقدج عندنا سيري البيت وادا زاد الالم كل 45ثانيه وكان متقارب ارجعي
المهم رديت البيت وبعده الالم فيني يمشي ويروح لين الساعه 2ونص المسا خلااااااااااااااص ما قدرت استحمل قلت اكيد الحينه انفتح شويه بس تصدقون يوم يروح الالم كانه ما فيني شيء بس يوم يجي ما اقدر لا اقعد ولا انام ولا امشي والله العظيم احس تحت بطني خلاص بيتقطع وامي مسكينه تصبر فيني تقولي اتحملي لازم يزيد الالم عشان تربين بسرعه وانا اضرب في الشبريه وعلى الارض ومب عارفه شو اسوي واصيح اصيح واستغفر الله ويبت قران بس ما قدرت اقرا سورة مريم من الالم
المهم سرنا المستشفى الساعه 2 ونص بعد الظهر فحصتني قالت الحينه انتي 3سم وبنخليج عندنا طلعوني في الكرسي للغرفه ما قبل الولاده ولبسوني اللبس وانا ميته من الالم ميته ما اقدر امشي
القصه يوم رقدوني على السرير وسولي تخطيط مال قلب البيبي وعلقو لي المغذي هني كانت النيرس تقولي لا تتحركي عشان نشوف دقات القلب وانا كلي اتحرك في السرير والابرةاللي عطوني مال المغذي دشت في ايدي كلها ونزفت واااااااااايد وانا ولا حاسه في شيء امي تقولي لا تتحركين شوفي الدم اللي ينزل من ايديج بس انا من كثر الالم والله كنت اقولهم اعطوني مسكن اي شيء ومسكينه النيرس اللي كانت وياي ما فارقتني ولا دقيقه كل شوي اقولها شوفي كم سم انا الحينه وتقولي بعدج الساعه 4 فحصتني الدكتورة قالت 4سم وبعدين دخلت عود ما اعرف شو هو عشان تبطل ماي البيبي ونزل ماي ودم وهني بدا االالم اللي مب عارفه كيف اوصفه والله العظيم الم ما يروح خلاص
تصدقون انا ما نزل علي لا دم ولا اي شيء في البيت لين ما بطلت الدكتورة الماي بنفسها
المهم زاد الالم وانا اصرخ اصرخ اصرخ واقول للنيرس متى بربي الله يخليج قولي لي متى وكانت الساعه5 بس اللي كان قاهرني في الغرفه وحده كانت جنبي هي بعد راح تربي بس مووووووووول ما تصرخ بالعكس تضحك ويابو لها اكل وزوجها وياها وهي تتكلم بالتليفون ما ادري ليش ما كان فيها الم
وانا اصرخ واقول خلاص تووووووووووبه احمل مرة ثانيه
نكمل قصتنا الساعه 6 دخل علي زوجي وهني كان فيني الم بس على شكل دفع يعني البيبي يدفع نفسه وانا احس بضلوعي وبطني بيطلع واحس اني بنقسم لنصفين من تحت والله العظيم والصريخ اللي كنت اصرخه من الدفع مب عادي يعني عيوني كانت تطلع وريجي ناشف وعرق ما يتصور بس الحمد الله
ويه زوجي ويه خير بس هو دش علي وشافني في ها الحاله ما قدر وكان ماسك ايدي ويقولي خدي نفس وانا عطوني الكمام ولا فادني في شيء واعطوني ابرة مهدئه ولا فاد
المهم كل ما ادفع اقول للنيرس خلاص بربي احس بالبيبي بيطلع وهي تقولي بعدج انتي الحينه 7 سم وانا ادفع بس لا ارادي شويه وياتني ولاده مفاجئه وكانو بيولدوني في نفس الغرفه يعني مب غرفة الولاده ويات نيرس ثانيه شافتني وودوووووني بسرعه في السرير للغرفه ويقولون لي لا تدفعين لا تدفعين لانهم بعدهم ما جهزو الغرفه والسرير مال الولاده وانا لا اراديا ادفع قبل ما وصلت لغرفة الولاده بس توهو سكرو الباب مال الغرفه ويجهزون ويفتحون الادوات ويقولون لا تدفعين لحظه لحظه والدكتورة مب موجوده بس 3 نيرسات والحمد الله دفعه والثانيه ربيت بكل سهووووووووووووووووووله ولا حسيت بالبيبي يوم طلع الحمد الله والنيرسات صراحه وايد اهتمو فيني وادكر كانو يقولون يلا ادفعي ادفعي بعد بعد وطلع البيبي ويبت بنووووووووووووووونه اول ما طلعت تصيح وانا بعدني مب مصدقه اقول يعني خلاص انا ربيت ما فيني الم خلاص
نسيت اقولكم ان امي يوم ودوني هي سارت تخبر زوجي انهم ودوني عشان اربي في الغرفه وهو كان جريب قاعد توها راده تشوف الاخبار حصلتني ربيت يعني ادا عدينا الوقت يمكن 3 دقايق كاننت الولاده بس اللي يدبح الطللللللللللللللللللللللللللللللللللللللللللللللل للللللللللللللللللللللللللللللللللللللق تصورو من الساعه 2 الفجر لين 7 ونص المسا ربيت يعني وايد وقت
تصدقون يوم ربيت ياتني رعشه وبروووووووووده ويوم دش علي زوجي وباس ايدي وامي جنبي صدق لحظااااااااات لا تنسى ويوم يعطونج البيبي احلى لحظه وتشوفينه بخير صراحه الولاده حلوة بس صعبه انا على بالي الم مثل الدورة بس هو غير غير غير ويقولون فيه اجر والحينه عرفت شو معنى الام والصبر
والاكثر من هدا ما بعد الولاده التعب مب طبيعي والله العظيم تحسين جسمج متقطع ومنفصل عن بعض كل شيء فيج يعور الايد والريل والراس وكل شيء
بس الحمد الله اني ربيت طبيعي ومن غير طلق صناعي يعني لو ما ربيت يوم السبت كنت بسير يوم الاحد بس الله كريم
وتذكرون يوم كان عندي راس البيبي فوق وايد صحت والحمد الله كل شيء اتعدل
الحينه تعب الرضاعه والسهر بس في الاخير افتكيت من الالم
نسيت اقولكم بعد الولاده تيجي الم مثل في عنق الرحم على صوب واحد يدبح موووووت وهدا دليل على رجوع الرحم مكانه
كل بالاجر ان شاء الله
الله يسهل على كل الحواااااااااااااامل ويسهل ولادتهم يا رب
عقبا لكم وتقولون لنا القصه ادري اني طولت عليكم بس كان لازم اخبركم بكل شيء
الله يحفظكم
اعذروني لاني طولت عليكم وما كتبت لكم قصة ولادتي تعرفون التعب بعد الولاده
المهم قصتي ابتدت من يوم الجمعه تاريخ 10 دق في راسي اني اشرب حبوب زيت الخروع عشان بسرعه اربي وشربت 4 حبات ولا ياب فايده ثاني يوم شربت بعد 4 حبات +الزيت اللي عطتني الدكتورة زينب لان خلاص المستشفى كانو عاطيني موعد للطلق الصناعي تاريخ 12 بس انا كنت متكلة على الله وعندي احساس اني بربي بطلق طبيعي
المهم يوم الجمعه في الليل وداني زوجي نتمشى على الكورنيش وتمشيت واااااااااااااااااااااايد لين ما تعبت وبعدين سرنا تعشينا برا كله هدا ما فيني لا الم ولا شيء يينا البيت ونفسيتي تعبانه لان باجر السبت وبعدني ما ربيت وموعد الطلق جريب
نمت عادي في الليل الساعه 2 بالضبط ياني الم من جهة اليسار قلت عادي مستحيل هدا الم مال الولاده وبعدين انجلب وياني الم مرة ثانيه بس الالم كان مستحمل لين الساعه 4 الفجر زاد شوي ما بغيت اصحي لا زوجي ولا امي قلت يمكن يكون وهم صبرت لين الساعه 6 صحيت امي الله يخليها وقلت لها فيني الم يروح ويجي قالت خلاص ان شاء الله هدا الم مال الولاده الحمد الله قلت لها انزلي وياي اتمشي برا تمشيت شويه وقلت لها اعطيني يانسون وشربت كاسين بس على الساعه 7 زاااد الالم وما صبرت صحيت زوجي قلت له خلاص الم قالي يلا على المستشفى سرنا بس لحد الان الالم مستحمل شويه دخلت على الطوارئ فحصتني قالت فيج بوادر ولاده وانتي الحينه مفتوحه 1 سم قلت لها بس قالت بس ان شاء الله عنق الرحم عندج قابل للانفتاح بسرعه يعني رطب وان شاء الله اليوم بتولدين بس بعدج مطوله وحرام ارقدج عندنا سيري البيت وادا زاد الالم كل 45ثانيه وكان متقارب ارجعي
المهم رديت البيت وبعده الالم فيني يمشي ويروح لين الساعه 2ونص المسا خلااااااااااااااص ما قدرت استحمل قلت اكيد الحينه انفتح شويه بس تصدقون يوم يروح الالم كانه ما فيني شيء بس يوم يجي ما اقدر لا اقعد ولا انام ولا امشي والله العظيم احس تحت بطني خلاص بيتقطع وامي مسكينه تصبر فيني تقولي اتحملي لازم يزيد الالم عشان تربين بسرعه وانا اضرب في الشبريه وعلى الارض ومب عارفه شو اسوي واصيح اصيح واستغفر الله ويبت قران بس ما قدرت اقرا سورة مريم من الالم
المهم سرنا المستشفى الساعه 2 ونص بعد الظهر فحصتني قالت الحينه انتي 3سم وبنخليج عندنا طلعوني في الكرسي للغرفه ما قبل الولاده ولبسوني اللبس وانا ميته من الالم ميته ما اقدر امشي
القصه يوم رقدوني على السرير وسولي تخطيط مال قلب البيبي وعلقو لي المغذي هني كانت النيرس تقولي لا تتحركي عشان نشوف دقات القلب وانا كلي اتحرك في السرير والابرةاللي عطوني مال المغذي دشت في ايدي كلها ونزفت واااااااااايد وانا ولا حاسه في شيء امي تقولي لا تتحركين شوفي الدم اللي ينزل من ايديج بس انا من كثر الالم والله كنت اقولهم اعطوني مسكن اي شيء ومسكينه النيرس اللي كانت وياي ما فارقتني ولا دقيقه كل شوي اقولها شوفي كم سم انا الحينه وتقولي بعدج الساعه 4 فحصتني الدكتورة قالت 4سم وبعدين دخلت عود ما اعرف شو هو عشان تبطل ماي البيبي ونزل ماي ودم وهني بدا االالم اللي مب عارفه كيف اوصفه والله العظيم الم ما يروح خلاص
تصدقون انا ما نزل علي لا دم ولا اي شيء في البيت لين ما بطلت الدكتورة الماي بنفسها
المهم زاد الالم وانا اصرخ اصرخ اصرخ واقول للنيرس متى بربي الله يخليج قولي لي متى وكانت الساعه5 بس اللي كان قاهرني في الغرفه وحده كانت جنبي هي بعد راح تربي بس مووووووووول ما تصرخ بالعكس تضحك ويابو لها اكل وزوجها وياها وهي تتكلم بالتليفون ما ادري ليش ما كان فيها الم
وانا اصرخ واقول خلاص تووووووووووبه احمل مرة ثانيه
نكمل قصتنا الساعه 6 دخل علي زوجي وهني كان فيني الم بس على شكل دفع يعني البيبي يدفع نفسه وانا احس بضلوعي وبطني بيطلع واحس اني بنقسم لنصفين من تحت والله العظيم والصريخ اللي كنت اصرخه من الدفع مب عادي يعني عيوني كانت تطلع وريجي ناشف وعرق ما يتصور بس الحمد الله
ويه زوجي ويه خير بس هو دش علي وشافني في ها الحاله ما قدر وكان ماسك ايدي ويقولي خدي نفس وانا عطوني الكمام ولا فادني في شيء واعطوني ابرة مهدئه ولا فاد
المهم كل ما ادفع اقول للنيرس خلاص بربي احس بالبيبي بيطلع وهي تقولي بعدج انتي الحينه 7 سم وانا ادفع بس لا ارادي شويه وياتني ولاده مفاجئه وكانو بيولدوني في نفس الغرفه يعني مب غرفة الولاده ويات نيرس ثانيه شافتني وودوووووني بسرعه في السرير للغرفه ويقولون لي لا تدفعين لا تدفعين لانهم بعدهم ما جهزو الغرفه والسرير مال الولاده وانا لا اراديا ادفع قبل ما وصلت لغرفة الولاده بس توهو سكرو الباب مال الغرفه ويجهزون ويفتحون الادوات ويقولون لا تدفعين لحظه لحظه والدكتورة مب موجوده بس 3 نيرسات والحمد الله دفعه والثانيه ربيت بكل سهووووووووووووووووووله ولا حسيت بالبيبي يوم طلع الحمد الله والنيرسات صراحه وايد اهتمو فيني وادكر كانو يقولون يلا ادفعي ادفعي بعد بعد وطلع البيبي ويبت بنووووووووووووووونه اول ما طلعت تصيح وانا بعدني مب مصدقه اقول يعني خلاص انا ربيت ما فيني الم خلاص
نسيت اقولكم ان امي يوم ودوني هي سارت تخبر زوجي انهم ودوني عشان اربي في الغرفه وهو كان جريب قاعد توها راده تشوف الاخبار حصلتني ربيت يعني ادا عدينا الوقت يمكن 3 دقايق كاننت الولاده بس اللي يدبح الطللللللللللللللللللللللللللللللللللللللللللللللل للللللللللللللللللللللللللللللللللللللق تصورو من الساعه 2 الفجر لين 7 ونص المسا ربيت يعني وايد وقت
تصدقون يوم ربيت ياتني رعشه وبروووووووووده ويوم دش علي زوجي وباس ايدي وامي جنبي صدق لحظااااااااات لا تنسى ويوم يعطونج البيبي احلى لحظه وتشوفينه بخير صراحه الولاده حلوة بس صعبه انا على بالي الم مثل الدورة بس هو غير غير غير ويقولون فيه اجر والحينه عرفت شو معنى الام والصبر
والاكثر من هدا ما بعد الولاده التعب مب طبيعي والله العظيم تحسين جسمج متقطع ومنفصل عن بعض كل شيء فيج يعور الايد والريل والراس وكل شيء
بس الحمد الله اني ربيت طبيعي ومن غير طلق صناعي يعني لو ما ربيت يوم السبت كنت بسير يوم الاحد بس الله كريم
وتذكرون يوم كان عندي راس البيبي فوق وايد صحت والحمد الله كل شيء اتعدل
الحينه تعب الرضاعه والسهر بس في الاخير افتكيت من الالم
نسيت اقولكم بعد الولاده تيجي الم مثل في عنق الرحم على صوب واحد يدبح موووووت وهدا دليل على رجوع الرحم مكانه
كل بالاجر ان شاء الله
الله يسهل على كل الحواااااااااااااامل ويسهل ولادتهم يا رب
عقبا لكم وتقولون لنا القصه ادري اني طولت عليكم بس كان لازم اخبركم بكل شيء
الله يحفظكم
الحمد لله على سلامتج الغاليه …ومبروووك البنوتة وتتربي في عزكم …
والله ذكرتيني يوم ربيت ببنتي ..وانا اتذكر الويع ..اووووف ..بس سبحان الله ننسى الويع في اللحظة اللي تشوفين فيها البيبي ..
<<<<<<< وحده زايغه 
مبرووووووووووووووووووووووووووووك عالبنوته… بس قصص الولاده تخوف شوي
بصراحه عيوني دمعنا من غير ماااااحس
لانج خوفتيني الله يسهل ……….
اجـــــر وعافيه ومبروك البنوته
…
لانج خوفتيني الله يسهل ……….
اجـــــر وعافيه ومبروك البنوته
…
مشكورين بس بنتي الحينه عمرها 3 شهور وجريب بتدش الرابع بس حبيت اكتب لكم قصتي
الحمد لله على سلامتك حبيبتي
ومبارك البنوته تتربى بعزكم يا رب
وعقبالنا نفرح بس والله خوفتيني
ومبارك البنوته تتربى بعزكم يا رب
وعقبالنا نفرح بس والله خوفتيني