ملاحظه : اللي تخاف لاتقرأ عشان ماريد اخوف حد سمعت ان بعضهن يخافن 
حبيت اخبركن قصة ولادتي بالتوأم سهيل وفيصل الله يحفظهم انا ولدت في اول يوم من الشهر التاسع وطبعا خوفا من انه يصير اللي صار في الحمل القبلي لانه انفصلت المشيمه وماتت طفلتي اللي كنت حامل فيها قبل هذا الحمل
دخلت المستشفى في حاله يرثى لها بين الحياه والموت نبضات قلبي طالعه من صدري و النفس ضعيف على الاخر والانقباضات قويه ومتواصله والويع حار خصوصا منطقة الظهر وثقل فضيع فالبطن ماعتقد تتحمله حتى اللي يايبه عشر يهال انا مع اني يايبه من قبل اربع يهال ماشالله بس ماتحملت كانت كانها الولاده الاولى وكنت اتوقع انها اخر ليله في حياتي ، طبعا اللي مودني المستشفى اخوي لانه ريلي مسافر مع الدوام
اول مادخلت المستشفى سيطر على كل الدكاتره خوف كبير والكل ركض على غرفتي اعتبروها حاله خطره وطلعوا ملفي وطلعوا كل اهلي واخوي تضارب معاهم لانهم ماخلوا امي اتم معاي وعصبوا عليه وصارت سالفه لين قلت له اقصر الشر دخيلك اطلعوا وطلعوا وانترست الغرفه بالدكاتره ويتراكضوووون حتى خوفوني وبعدين فحصوني من كثر الخوف ماعرف شوه يسوون وشوه مايسوون احس اني مب فالدنيا هذي وقالوا خلاص عمليه عاجله
وقعوني على اكثر من ورقه وانا مب فاهمه ع شو اوقع ولا شايفه الاوراق حتى الا جي اشخبط ابا افتك ، ياني دكتور البنج و تم يهديني لاني كنت خايفه وانتفض وايدي ما خازت عن بطني امسح واقرى وخايفه لايموتون مثل ماصار فاختهم اللي قبلهم و جدام عيني البيبي الاوليه الله يرحمها
تم الدكتور يلهيني وسالني شوه اسمهم وماعرف شوه قلت له ماعرف انا وقتها مالي خلق حق نفسي حتى وعطاني البنج وهو يكلمني وانا اخربط لين غبت عن الوعي تماما ، وخلاف وعيت م البنج وانا فغرفة العمليات بعدني وسألت اللي كانوا عندي شوه يبت قالوا لي انتي خمني احساسج شوه يقول انتي امهم قلت لهم احساسي يقول ولد قالوا لي والثاني قلت لهمممم ولد ماعرف كيف لساني نطق بكلمة ولد قالوا صح مع اني كنت اتوقع بنات بس تفجر احساس الامومه لحظتها وقلت اولاد وطلعوا صدق اولاد بعدين قاموا يدخلون اهلي واحد ورا الثاني يبون يراضونهم بعد السالفه اللي صارت ، واهلي يصيحووووون
ونقلوني الغرفه و على طول يابوا لي البيبي الاول ، وكنت خايفه ع الثاني واسال هليه وين الثاني هم يقولون توم قالوا ليش اييبون واحد واهلي يقولون بييبونه حقج ، عندي الاول بس مب وايد فرحانه لانه قلبي مع الثاني حتى ياني وسواس يمكن يغلطون فيه واقولهم مابرتاح لين اشوف الثاني وما هنى لي لا اكل ولاشرب
المهم ماخبروا ريلي لانه اكيد بيسال عن الثاني ، وثاني يوم مع اني مب قادره حتى امشي مب متعوده ع عمري كنت احس بالم العمليه واحس شي ناقصني بعد ذاك الثقل صرت خفيفه المهم ودوني اشوف الثاني وشفته واخيرا ارتاح قلبي
طبعا انا ولدت تاريخ 13-10 وتاريخ 18-10 طلع الصغير من العنايه و انضم ولدي الثاني لاخوه و اتواصلنا مع ريلي بالفيديو هو يتحرا انه انا ابا ارويه عيالنا الاربعه بس حطوا الكاميرا ع اليهال وتم يصيح ويرمسونه ومايرد بس يصييييييييييييييييح ، مب مستوعب اللي يشوفه
وحالته حاله وربيعه اسمه فيصل تم يهديه وسأله شوه فيك قال حق ربيعه ان الله رزقنا توم وبعد ما وقف وياه ربيعه و هدت نفسيته اتصل فينا قالنا بنات ؟ (هو خاطره فبنات) قلنا له شباب قال اثنينهم قلنا له اثنينهم تم يضضحك عليهم قال احلى مقلب اللي سووه فينا
ترى لا انا ولا هوه نعرف جنسهم لانه ماطاع يبين فالسونار وكانوا متشككين فيهم كل مره يقولون شي لين اخر شي لبست الكل واشتريت لهم ملابس بالوان محايده وفكيت نفسي
وقال ترى سميتهم فيصل وسهيل طبعا فيصل ع اسم ربيعه يلي وقف معاه وهو اصلا روح بروح
ومن قبل قايل اذا اولاد سهيل وفيصل ، وطبعا هو من قبل محدد اساميهم ف حال لو بنتين او بنت وولد ، بس يوم سألناه شوه سميتهم حبينا نأكد الاسامي ولا غيّرهم
وعشان اخفف عنه قلت له اي واحد سهيل و اي واحد فيصل وقال الصغير سهيل والكبير فيصل ، ترى ماشاء الله فيصل يبان اكبر من سهيل وسهيل صغيروون
طبعا تاريخ ولادتهم هو نفسه تاريخ ميلاد ابوهم
وبعد باجر بيتلاقى فيهم اول مره ما ادري كيف بيكون اللقى
وبس هذي قصتنا باختصار
ويتربون في عزج يا رب
ويتربون ف عزكم ان شالله
والله تاثرت ويا القصه وايد
الله يحفظهم ويخليهم لج
والحمدلله على سلامتكم
والله يبلغج فيهم .. والمهم سلامتج انتي و اليهال
وبالبركه ان شاء الله .. تفرحين بعيالهم يارب
? تنسين تقرين عليهم دووم و تحصنينهم من العين
الله يحفظهم لج يارب ويجعلهم من الصالحين آمين .
اي سؤال بخصوص التوائم يالغالية فالج طيب