الحمد لله رب العالمين ربيت بتاريخ 5/11 وكان موعدي 6/11 والصراحه كنت دايما اقرى القصص وحبيت اكتب قصتي …
اول شي من دخلت التاسع وانا وامشي وكان بين فترة وفترة تيني الام طلق بس من ارقد وانش تخوز عني وفي اخر اسبوع قبل الموعد سرت المراجعة وقالت لي الدكتورة انه فاتح 2 سانتي وخلال يومين انشاء الله بتكونين مربية وانا وايد فرحت
وعقب نزل علي دم وسرت المستشفى وقالولي مافي شي اذا زاد تعالي
.gif "12 (37)")
وفعلا اليوم اللي بعده زاد وكان فيني طلق بس صدق قوي وايد وسرت بتاريخ 4/11 فالليل المستشفى وقالولي خلاص تترقدين لانه 3 سانتي وطبعا تبدين الصيام وابرة الوريد وتميت طول الليل وانا اتالم وهذا غير طبعا يوم يقيسون كم فاتح صدق صدق صدق عذاب
.gif "12 (15)")
المهم ثاني يوم الساعة 9 الصبح نزل علي الماي بس خف الطلق والله يا بنات تعبوني وايد الله يسامحهم يمكن قاسولي 30 مرة على الاقل مع توسيع وفتح 6 سانتي ، وشوي يقولون امشي برع وشوي يحطون التخطيط بس على قولة سعد زغلول مفيش فايدة
على الساعة 6 المغرب حطو لي الطلق الصناعي انشاء الله يارب ما تجربونه وكان وايد يعور يعني سبحان الله كيف ان الطبيعي القوي اهون
واخر شي على الساعة 9 المساء كنت انا تعبانه لدرجة اني مب قادرة احرك صبع حتى، ويتني الشيخة الدكتورة وقالت من متى حاطين الطلق الصناعي بس ما فاد تبين قيصرية او تصبرين قلتلها ما اقدر خلاص قيصرية لاني مب قادرة اتحمل و يابولي الاستشارية حطت ايدها من برع وقالت الياهل فوق ومب فاتح وحتى اذا فتح ما بولدج طبيعي لان البيبي فوق ونبضات الجنين ضعفت فديته حبيبي
:12 (9) : طبعا هذا حاليوعلى طول دخلت العمليات والحمدلله يبت احلى خليفه بعد ما عذبوا فيني لانهم دكاترة ما يفهمون
.gif "12 (64)")
اسمحولي طولت عليكم بس اخر شي بقولكم نصيحة اذا لا قدر الله وربيتوا قيصري حاولو ما تزعلون من اي شي يعني نفسيتكم اوكي وانكم تاكلون اشياء تغذيكم لاني للاسف ما سويت ها الاشياء والحين اعاني من جرحي اللي ما سكر وكل يوم اسير المستشفى ابدل على الجرح ما اعرف لين متى
.gif "12 (63)")
الله يشفيني انشاء الله ويتمم لكم على خير……..
ربي يحفظه لكم ويتربى ف عزكم ….
يتربي في عزكم انشالله
وتشوفينه معرس وتكتبين تجهيزات عرسه بعد في المنتدى
واكيد فيه خيره انج ربيتي قيصري يمكن كنتي بتتعبين زياده لو طبيعي ،،
لكن اهم شي صحة البيبي
وعقب ما يسوولج جرح العملية كانت وحده تحط ميبو الحرق عند الخياطه وحتى احنا نحطه على اي جرح لانه هذا اصلا يعتبرونه مجدد للخلايا حتى كذا عضوه منزله عنه في قسم البشره
ربي يحفظه لكم ويتربى ف عزكم ….
ويرزقني انشالله
ربي يحفظه لكم ويتربى ف عزكم^ـ^
و الله انا جربت الطلق الصناعي لأنه طاف الموعد و ماربيت
و ريلي فديته كان بيسافر و يترياني أولد بـــــس فيوم شفت نفسي
وايد تأخرت عليه خبرت الدكتورة تعطيني طلق صناعي و ما تخبر ريلي
عسب ما يزعل مني ….و عطتني و الله وما حسيت بويع ولاشي …و ربيعاتي
كلهن يتصلن ها شو صاار؟؟؟ وأنا أضحك أقول ماشي ..طلعت الدكتورة و شافتني
واقفة جان تقول حق السيستر زيديها جرعة ثانية …زادتني الجرعة و قمت صليت العصر
و قريت شوية قرآن ..و ماهي إلا 45 دقيقة فيها الألم و الولادة مرة وحدة
و الله انا أرتحت على الصناعي وااااااااااااااااايد بس كانت ولادتي الثانية
بس الولادة الاولى البكر ..ما بقولج ..فوق اليومين و انا أتعذب
الحمد لله على النعمة و كله أجر ياااااااااااااااارب