اليوم بكتبلووكم قصه ولادتي اللي كانت بمستشفى الكورنيش بتاريخ 1-6 ويبت فيها ولي العهد
طبعاا انا موعد ولاتي المفروض تكون بتاريخ 7-6 بس انا نحيسه الا اطلعه لاني زهقت قلت بروح اسوي حمام مغربي عسبه ينحرق ويطلع هع ^_^…
رحت العصر سويت حمام مغربي بتاريخ 30-5 وحسيت بتعب عقب الحمام يالله يالله صرت امشي المهم قلت اكيد نفع حمام المغربي خلني اكمل واشل حلاوه واسوي بدكير 
صدق متفيجه…
رديت البيت تعباااااااانه ساعه 9 فليل وصليت العشاا ع الكرسي وتميت ادعي وشوي وبصيح ان اييني الطلق بعد ما اقوم من صلاتي واربي طبيعي لانهم يقولولي انتي قصيره وماتقدرين تربين طبيعي …
وسبحان الله رحت انسدح وارقد بنتي الا اييني ويع @@ قلت لالا اتوهم معقوله الله استجاب دعائي وتم ايي ويروح بس الويع عادي اقدر استحمله وقلت حق ريلي تراا فيني ويع يوم بوعيك فليل قم لاتم تستهبل نفس قبل قالي اوكي وطرشت حق اختي مسج عسبه تكون مستعده لاني خوااافه درجه اولى..
المهم مارقد هذيك الليله وقلت في خاطريه مابروح المستشفى لين مااصدق اكون موصله عسبه مايستهبلون ويقولون عمليه..
قمت الصبح ساعه 6 اوعيه ريلي ماطاع يقوم رحت الحمام الله يعزكم اختفى الويع @@ قلت في خاطريه اتوهم خلني اروح الدوام ابركلي وتلبست ورحت ويوم قربت ع الدوام ياني الويع واغير لاتجاه ورحت المستشفى الكورنيش ..المهم فحصوني قالولي 2 سم قلتهم لالالالالالالا كل ها العذاب من امس و2 سم اقوم اوقع واطلع من المستشفى وخذيت اجازه وطلعت رحت البيت اتنقع في ماي حار وادخن بحلول واجهز ثيابي انا وبنتي لاني ما بخليها في البيت ..
يوم ياا العصر رحت بيت اختي عسبه ان بيتهم قريب من المستشفى والمشكله الويع نفسه هوه هوه مايزيد ولا ينقص ..شربت زيت الخرووع ولاعت كبدي ورحنا نكمل كمن مشوار في بوظبي وانا فيني ويع ..عقب رحت مركز الامير الطبي عسبه تشوفني الدكتوره واشاورهااا اقدر اربي طبيعي ولا لاء وتشوفلي الرحم كم نفتح..قالتلي عادي كل شي اوكي وتقدرين تربين طبيعي والرحم فاتح 4 سم روحي المستشفى احس…قلتلها اوكي..رحنا بيت اختي قلت يوم بيزيد الويع برووح…
رحت ساعه 12 فليل سوولي فحوصات تخطيط الطلق زاايد وقالولي مفتوح الرحم 2 سم @@ قلتلهم شووو انا توني يايه من عند اخصائيه وقالتلي 4سم مفتوح …قالت هي غير ونحنا غير ..قلتلهم اكيد انتم غير عسبه تسوولي عمليه ..بس لو تموتون ما سويت عمليه..
عصبت رحت البيت ..طبعا بيتنا بعيد في الشامخه ..اقولكم وصلت البيت ساعه 2 وربع وانا طول الطريق اتآلم واصيح وريلي يقولي ليش ما قعدتي قلتله لالا مابا يبون يسوون عمليه..المهم غيرت ثياابي وانسدحت وانا حزينه اقول في خاطريه يومين وانا اطلق ..صدق عذااب
وفجأه بعد عشر دقايق انفجر الماي بوووووووووووووووووووف @@ انا خفت اول مره يصيرلي جي لان بنتي بعمليه ..قلت حق ريلي قوووووووووووووووم قالي شفيج قلتله ودني المستشفى وفتح الليت وشاف المنظر المرعب ماي يصب وانا خايفه وارتجف ومافيني حيل مب راقده يومين وهذا ثالث يوم..وتم يسحب فيني ويقوم الخدامه ..تموو يلبسوني ..
وطيرااااااااان المستشفى وقاموا يسوولي تحاليل من اول ويديد وانا اصيح اقولهم حرام عليكم انا توني طالعه من عندكم وهم حاطين تخطيط الطلق ااااااااااااااااااااه صدق يقهرون ..ويت بتقيسني النيرس اللي قالتلي 2 سم قلتلهم لالالالالالالالالا ابا وحده غيرهاا وقايستني وحده ثانيه وقالتلي 4 مفتوح ..اه هني ارتحت وطرشت حق اختي مسج عسبه تجي المستشفى …
المهم دخلوني غرفه الولاده واناا متفاائله خير كنت اباهم يعطوني ابره الظهر ..قالتلي النيرس ما بنعطيج وتمت تقول لا ماعندنا ودكتور البنج مب موجود وتعطيني اعذاار والالم يزيد ويزيد ..وانا اصيح واصارخ واسبهاا ..قلت في خاطريه اكيد بمووت انا مستحيل اكمل ها الولاده…مع ها الالم ..
واختي تهدي فيني وريلي قاهرني حاط كرسي ويطالع ويهديني من بعيد اووووووووف يابلي الاعصااب كأن يطالع تلفزيون ولالا اللي زاني قهر كل شوي يعدل الاضاءه ويحطها ع ………….. وانا اقوله تعال هني هههههههههههههههه …
المهم عذاب وعذاب وانا اصيح واقولهم حرام عليكم اللي تسوونه فيني ..وكل شوي ضاربه النيرس لانها هي السبب وماعطتني ابره الظهر وهي مسكينه تهدي فيني وانا المينونه كل شوي طايحه فيها ضرب واختي تمسكني …
وانا لين الحين مااعرف كيف اربي وماحد يخبرني واحس شي يباا يطلع وهي تقولي ارقددي على جنبج اليمين او اليساار واقول بيطلع تقولي عادي ..ااااااااااااه عذاب..واتم امسك يديها واقولها خلالالالاص سوولي عمليه ..وهي تسكتني تقولي اسكتي لاحد يسمعج انتي تقدرين تربين طبيعي ومابقى شي…
ويوم يت ساعه 7 ونص قالتلي انا برووح وخلص زامي وهذا بدالي..وحده اجنبيه اقولكم ما عطتني ويه اكبر طاااااااااااااااااااااااف اللهم ريلي واختي هم اللي ماسكيني ..يوم يت ساعه 8 ريلي قاللها كم الرحم مفتوح قالتله بكل برود 10 سم @@ ..
انا هني حطيت ريل عند ريلي وريل عند اختي وقلتلها تعالي واصارخ في ويهها كيف اسوي بووش ..ههههههههههههه قالتلي كأنج تسوين كاكا الله يعزكم …
وانا هني شاده حيلي واقولها تعالي شوفي بيطلع وهي اكبر طاف يالسه ع الكمبيوتر وريلي يقولي ايوواا يالله اشوف شعره ..وهذيك تقولي لا بعد صبري شوي ..والله اني صدق مت وهي ولا همهاا
المهم يوم خلصت من شغلتهااا ويتني قالتي وااااااااااااو خلاص بيطلع واتعصر واتعصر ولا في فااديه لين ما قالتلي لازم شق ..قلتلها شقي المهم افتك من الويع …
وشقت وطلع بسرعه فدديت ويهه وحطووووووووووووه ع صددري أأأأأأأأأأأأأأأه وانا والله العظيم مااصدق اني ربيت طبيعي اتم اهززز راسي احس اني في حلم فجأه راح الويع @@ وريلي واختي عيونهم غرقانه دموووووووووووووع من الفرحه……
وهذي قصه ولاتي واتريااا ردودكم
والحمد لله ربيتي طبيعي
مسكين بهدلتي بالحمام المغربي هههههههههههه
ويتربى بعزكم
عقبالي ^^
الحمدلله يوم صبرتي وما سوولج عمليه ـ الصراحه عذرهم يضحك
شو خص الطول فالولاده ..؟؟؟
والحمدلله يوم ربي سهل عليح
وصدقج من ينزل الياهل الالام كلها تختفي فجأه
سبحان الله
وزين الحمام المغربي سوا مفعوله انا بعد سرت سويت مساج وعلى طول ربيت ثاني يوم
عذاب في عذاب
الطلق اوووووف
فضل من الله .. ربنا كريم .. تستاهلين السلامه وربي يحفظ البي بي
وعقبالنا ^^