مواضيعي السابقة
https://forum.uaewomen.net/showthread.php?t=730416
12 _6 _2017 تاريخ ولادتي المؤلمه ببنتي نور ومستحيل انسى التاريخ وانسى بنتي
طبعا ياني الطلق يوم الجمعة الساعة 12 واستمر الين الثاني يوم والساعة 9 الصبح رحت مستشفى الكورنيش وكنت تعبانه وااايد وحولوني غرفة الولادة على طول وكان الرحم مفتوح 1سم وكان راس البيبي فوق بس هم كانو بولدوني طبيعي لانهم كانو يعرفون انا الجنين بموت بس انا كان عندي امل انه يعيش فمارضيت وهم كانو يحاولون يعطوني طلق صناعي وقالو بنطلعة من ريله يعني بيرونة بالقوة انا قلبي عورني قلت مستحيل اوافق انا ايرون جنييني وسالتهم سؤال وقلت لهم يصارحوني بالاجابة وقلت اذا البيبي طبيعي كنتو بتطلعونة بن ريلة قالو لا و بنحولج عمليات لانه مافي بيبي يتحمل انة انطلعة من ريلة وخاصة انه مافي ماي فقلت كيف بتيرون جنيني وانا اشوفه يتعذب فقلت لهم ابي عملية حتى لو توفت المهم تطلع من بطني مرتاحة مب متعذبة وقلت انا بضحي بالعملية عشان خاطر جنيني يعيش ومايتغذب
والله انهم انصدمو مني وحميتي صاحت مسكينة والدكاترة تاثرو
المهم وقعت على العملية ودخلت غرفة العمليات وانا اصيح واتويع ونفس الوقت مستانسة اني بشوف طفلي الي احلم فية من خمس سنوات وبعدها سولي بنج موضعي وفتحو بطني سالتني النيرس في غرفة العمليات تعرفين بنت ولا ولد قلت لها لا ومب مهم اهم شي يعيش البيبي واول ماطلعو قالولي بنت صحت من الفرحه و استانست انه بنتي عاشت وحسيت بحساس الامومه وقلت خلاص بنتي عاشت وقررت في غرفة العمليات اني اسمها عايشه لانها عاشت بس انصدمت اني ماسمعتها اصيح وتميت اسال وين بنتي وكانو يقولون عند الدكتور يفحصها وبدخلها العناية المركزة لانها تعبانة وبعد ماخلصت العملية دخلوني الغرفة الثانية وانا اسال شخبار بنتي وين بنتي ولاحد يرد علي فخفت بس بعدة كان عندي امل انها بتعيش وياتني الصاعقة لما الدكتور ياة عندي وقالي البنت مشوة نفس التشوة الي خبروني الدكاترة وقالي انه بنتي توفت بعد الولادة بنص ساعة انصدمت وماعرفت شو اقول بس قلت الحمد الله والله من الصدمه ماعرفت شو اقول ودكتور يقولي انه اسف على العملية قلت لة انا مب مضايجه من العملية الحمدالله انه بنتي طلعت من بطني مرتاحه مب متعذبة الهم طلبت اشوف بنتي واودعها واول مايابوها لي طلبت اني احضنها بس ما طاعو عشان العملية فحطوها على السرير والله حسيت بشعور لايوصف بست ايدها وريلها ويبهتها وخدودها ويلست اصيح وكان ودي لو احضنها حسيت اني مابي افقد هالاحساس احساس الامومه والله ماقدر اصدق اني ولدت ويبت بنتي وبنتي توفت احس انها مثل قصه خيالية وما ااقدر اصدقها بس 
ماقول غير (اللهم ااجرني في مصيبتي واخلفلي خيرا منها) ودعت بنتي وسميتها نور عشان تكون نور في الجنه لي ولابوها والله يعوضني ان شاء الله بطفل سليم معافا بدون زيادة ولا نقصان
ولاتنسوني من دعواتكم لي لاني محتاجتنها
أول شي الحمدالله على سلامتج
والله يرحمها وتكون شفيعه لج يوم القيامه
وان شاء الله ربي يرزقج بطفل سليم
لا تضايقين حبيبتي.. ان شاء الله ربج بيعوضج
كثري من الاستغفار
وان شاء الله ما بنساج وبدعي لج حبيبتي
مأجوره أن شاء الله ..
والله يرزقج بالذريه الصالحه …
والله انه قلبي تقطع وفيني صيحه
وحمد الله ع سلامتج ..
مكتوب يالغاليه وان شاء الله تكون شفيعه لج يارب
والله يعوضج ..