قصة خياطتي التجميليه مع الدكتورة كاميليا

السلام عليكم بنات وحرمات…الموضوع يمكن متكرر عليكم ..لكن قلت بحط تجربتي للفايدة وبحاول اختصر في الكلام ..الله عطاني بنوته وربيت في مستشفى حكومي . وانا اعرف انه المستشفيات الحكوميه مايسوون خياطة عقب الولادة ألا كم غرزه ..لكن قبل ما اربي كنت حاطة في بالي اني بسوي الخياطة عند الدكتورة كاميليا اللي في مركز القصر الطبي في الشارجه ..وصليت صلاة الاستخاره ..وعقب الولادة بعشرة ايام ييتها عالساعه 9 الصبح ..كان يوم الجمعه ..ههه الناس مشغولين قلت بخاطري ماحد بيسئل عني ..رحت ويا زوجي ( كان متقبل للموضع ) الحمدلله ..ودخلت عند الدكتورة وسوت لي فحص دم وهيك..وبعدين يلست على كرسي عجيب هههه ذكرني بكراسي الولادة مال الاجانب..المهم كان فيني شوية خوف ..ههه ..يلست استغفر..كنت متردده وهي شافتني قالت اذا انتي مب واثقة انج تبين هالخياطة مب لازم تسوينها …عاد انا هني تشجعت قلتلها . لا خلاص بسويها ..توكلت على الله وعطتني بنج ,,بصراحه واااااايد ايدها خفيفه , عطتني بنج مرتين , وعقب حسيت انه المنطقة متخدرة وهي بدت تشتغل وقالت يبالها 45 دقيقه بس ..وتمت تخيط وتقص الزوايد ..لاني عزكم الله كنت شكلي مثل العيايز هههه …المهم صدق كلامها خلصت في ظرف 45 دقيقه بالظبط وانا مول ماحسيت بشي ,,ايدها وايد خفيفه ,,وعقب ودوني غرفة ثانية و قالت لي لازم اتم عندها لين المغرب ..وكل شوي تعطيني النيرس ابرة بروفين ..يزاها الله خير …ماحسيت بالويع..وعقب المغرب دفعنا البيزات 5300 و طلعت امشي شوي شوي لين وصلت السيارة وقالت لي ممنوع تيلسين اسبوعين وحطي كريم ميبو وكلي مضاد حيوي وحبوب فيتامينات وهيك…ويلست في الغرفه اسبوعين اروح الحمام عزكم الله وارجع الغرفه ههههه وشوي اروح اتمشى صوب المطبخ …المهم هذي قصتي مع الدكتورة كاميليا…نسيت ماخبرتكم عن النتايج ..بصراحه واو شويه عليها …ارتحت نفسيا حسيت اني بنت صغيره بعدني ماعرست وريلي بعد وايد مستانس ومرتاح …والحمدلله هذا اللي كنت اباه …وكل توفيق من الله ..بصراحه صلاة الاستخارة هي اللي يسرت لي اموري…بس السلبيات اللي ماعيبتني في الدكتوره هي انها تحاول تخوف الواحد علشان مصلحتنا اونها ههههه يعني وهي تخيط تحكي قصص مش واقعيه اونها في وحده سوتلها خياطة وسارت تمشي وايد وتعبت عمرها لين استوالها نزيف وجي من هالقصص اللي مش واقعيه ..لانه اصلا كيف بتمشي عقب الخياطة ؟؟ بالعقل,,هههه احس صعبه ..بس المشي يكون خفيف حبه حبه لين تعدين خمسة ايام تقريبا ومافيج الا العافيه …اللهم بس ممنوع تيلسين على كرسي او على الارض او باي نوع من الانواع لمدة اسبوعين وعقب عادي جدا ,,وانصح كل وحده تبا تسوي هالخياطة انها تسويها عقب الولادة احسن …اختصار لللوقت وللتعب وغيره ..وانشالله هالمره بربي عند الدكتوره نهله لانها هي بعد شاطره بهالخياطة وتسويها عقب الولادة بالظبط احسن واريح …واتمنى التوفيق للكل ,,,

زين ما شاء الله ما حسيتي بالألم وايد
وحده حاطه تجربتها تقول ألم موت وعذاب يعني معاناه!
انا سايره عند كاميليا وايد شاطرة وفنانه..
بس مستغربه يعني لهالدرجة الوحده تتغير عقب الولادة وتحتاج تضييق وخياطة؟ وهل هالشي من الولادة الأولى ولا بعد عدة ولادات؟ خوفتوني من هالسالفة الصراحة ><
انا أكره الخياطة والعمليات وعندي فوبيا من هالسوالف
بس نفس الوقت ما اتخيل ريلي يعلق أو يحس بالفرق وايد

هلا الغاليه …
فديتج كل ولادة مافيها قص وخياطة يستوي توسع ..وكل ماتزيد الولادات زاد التوسع والترهل والشكل يستوي مب حلو …والرياييل يحسون اكيد بس في حد يقول اللي بخاطره وحد مايقول ,,ريلي ماقال لكني كنت مب مرتاحه وياه احس عمري عيوز ..ههه وعزكم الله حسيت بتوسع فضيع مارتحت وياه مول واكيد هو ماكان مرتاح بس ماقال لي …المهم يوم فهمته انه هالشي بيريحه وافق على طول ولله الحمد …وبصراحه ما اقص على الاخوات موووووووول ماشي ويع مووول وهي تخيط وتشتغل كانت ترمسني وانا والله مب حاسة بشي وهي ايدها واااايد خفيفه مب دفشه نفس بعض الدكتورات …وانا انصح وايد بصلاة الاستخاره قبل لا تسيرين تسوينها لانها مجرد ماتصلينها الله يعطيج الشجاعه وتتيسر امورج وتسوينها وانتي مرتاحه …

تسلمين على الافاده

المروض الحرمة تسويها بعد كممن ولادة تخيلي كل ولادة تسوين تضويق وكل مره يقصقصون ما عرف احس ما بيتم جلد للتمدد في الولادة اللاحقة يعني الي في المتسقبل ظ؟؟

الدكتوره كاميليا ما شاء الله عليها ربي يحفظها ولا يغيرها ويزيدها خير وحكمة

صح كلامج اختي ..لكن انا سويتها على اول بيبي والثاني والثالث ماسويتها وبعد رابع بيبي سويتها عند الدكتورة كاميليا وعاد قلت التوبه مابخلي نفسي وسخه ومترهله خلاص كل مره بربي بروح مستشفى خاص وبيسسونها لي على طول عقب الولادة ..عاد مابا احمل وايد واربي وايد هههه اروحي مالي خلق على تقلبات المزاج في الحمل وعقب الولادة …لكن انشالله اننا مأجورات انشالله …