قبل لا تحرقين ملابسج ؟ تعالي شوفي هالطريقه البسيطه جدا … اشغال سهلة

بنات حبيت احطلكم هالموضوع و طبعا من مجهودي الخاص فلي حابه تنقله برع ( اذا عيبها ) مابغي منها غير دعوه حلوه ^_^

و الطريقه بسيطه جدا… ( تدريب فقط )

قبل كل شي شو رايج لما تشترين لبس غالي او حلو و وايد عايبنج و هذي اخر قطعه منه او هديه من شخص غالي عليج و لما تعقينه للغسال جيه يرد لج :

!!!!! بيحترق قلبج وراه ( الله لايقدر ) صح ؟

سااااعات الخدااامااات للأسف يخلطون لبس الكوي مع بعض و ينسون يغيرون النوع (silk) او (cotton) او…….الخ

و بعضهم مساكين يداد اول مره يستخدمون الكوايه

و ساعات انتي بنفسج تكوين … اذا ما كنتي في البيت يمكن وانتي مسااافره اظطريتي تكوين شي على السريع بالفندق ( اذا كانت المغسله مسكره او تتأخر و انتي مستعيله )

و يمكن في شهر العسل تظطرين تكوين تبين شي جاهز على السريع

فالسؤال الحين ( تعرفون تكوون عدل ) ؟؟؟؟؟؟؟؟؟؟ >> بقولكم الصدق انا مش كوايه بارعه بس الحمدلله ولامره حرقت شي ههههه

المهم الحل بسيط جدا لج و لا للخدامه كلكم يمكن تحتاجونه

شو رايج تروحين السوق و تاخذين قطعه صغيره نص وار مثلا من ( الحرير , القطن , الشيفون ,……الخ ) نص وار من كل شي

و تبدين تدربين عليهم تخسرين في شرائهم احسن من ما تخسرين لما يحترق اللبس ( تخسرين الفلوس و اللبس) طبعا ماقولكم خذو قطع غاليه و حلوه … خذو اي شي المهم النوعيه و ادربو عليهم
و دربو خداماتكم ………

طبعا اكيد ما ننسى انه لازم ناخذ الحذر و مانحرق عمارنا بالغلط ( لاسمح الله)

مادري جان عيبتكم الطريقه ولا ؟

رايكم يهمني ……………..

دعوه حلوه لو سمحتووو

اللهم انت الله الذي لا إله الا هو الأحد الصمد الذي لم يلد ولم يولد و لم يكن له كفوا احد …
اللهم اسألك ان تحقق لـ بنوته كفالي كل امنياتها

و تفرج كربتها عاجلا ً ليس آجلا ً ، و استر عليها …

اللهم رد كيد من أراد بـ بنوته كفالي سوء في نحره
و اجعل تدبيره تدميرا ً له عاجلا ً ليس آجلا ..

والله يوفق كل متزوجه و يرزق كل عازبه و يرزق كل محرومه بالذرية الصالحه يارب