اشحالكن خواتي عساكن بخير
خواتي انا عندي مشكله واريد حلها
يمكن حد منكم يقدر ينصحني او مر في نفس موقفي ويعرف الحل
خواتي انا عرفت شخص في الدوام
وصارت اكلمه فونه تعلقنا في بعض
طلبني لزواج خفت ..
ماعرف خواتي هل هالزواج بيكون ناجح او فاشل ؟
هل بيشك فيه بعد الزواج ..؟
ساعدوووني والله ماعرفت افكر احس الموضوع وايد صعب 
اذاا انتي مب مرتاحه من صوبه ليش تكلمينه !!!
حبيبتي اذاا انتي عارفه أخلاقه وطبعه خذيه وتوكلي على الله
بس اخاف ماعرف من قالي بتقدم لج خفت موافقه عليه بس خايفه بعد الزواج خاايفه يتغير بعد العرس او يشك فيه ماعرف كيف اقولج
نصيحه من الاخر
اقطعي علاقتج فيه و توبي
و قوليله لو تباني تدل بيت اهليه
اما سالفه الخوف ما خفتي من الله تقولين الحين اخاف من الريل عقب العرس ؟
غريب
وهو اذا ريال بيي من الباب
وانتي استخيري والي فيه الخير بيستوي
حبيبتي أحمدي ربك طلع الرجل محترم ويريدك بالحلال أستخيري وتوكلي على الله —
أما موضوع يشك فيك الحرمة بتصرفاتها وأخلاقها لا تعطي مجال للشك — والخوف ان يقول مثل ما كلمتني
تكلم غيري كان ما تقدم لك أصلا —- وبعد الزواج كونك زوجة تحب زوجها وتخاف على بيتها وصادقة
أمام الله هنا كوني وثقة من نفسك وأثبتي لزوجك أنك نعم الزوجة —- الله يوفقك ويسعدك ويكتب لك الخير