قال لها انتب بنت ال…. الله المستعان لتربية طفلك

مرحباً خواتي شخباركم
الغاليات ابغي اطرح مشكلة صديقتي …من يومين تقول ان ريلها عصب عليها وااااااايد وعق عليها رمسه لاول مره تسمعها منه وقالها انتي بنت ال….. يعني سب أمها وهي مستغربه يعني مهما كانت العيوب الي فيها ماتوصل لدرجة انه يهين أمها … هم متزوجين تقريبا من 6 سنين وعندهم عيال … أنا ما عرفت كيف اساعدها غمضتني وايد متضايقه حليلها وهو ولا جنه قالها شي عادي يروح ويرجع هي اطرشله مسجات بس يقرا ويطنش … وتقول انها عافته ماتبغيه ووايد استحملت منه إهانات بدون ما تخبر اي حد عنه تقول ماحب المشاكل تكبر ويدشون فيها ناس غير .. بليز يابنات ساعدوني عشان أكلمها ..

الواحد لمن يعصب يقول رمسه بس مو معناته انها تسكت مهما كان هاي امها
واذا سكتت ممكن يقلل من قدرها ويعيد الغلطة انا مااقول تستوي بينهم مشكلة كبيرة
بس تحاول ترد اعتبارها وتعرفه انه غلطان وماتسمح له ييب طاري اهلها بهالطريقة

مشكوره ختي
والله هي زعلانه عليه وكلمته بس ماشي فايده وتخاف اذا سامحته يرجع يعيدها …

تكتب له رساله وتحطها له وهو رايح الشغل يقراها
بكل اسلوب وتقول له يابو فلان تمدح فيه بالاول وبعدين تكتب الي بقلبها انها مو متوقعه منه هالكلمه ولا يكررها
وان شاء الله يتائثر ولا تنسا تكثر بالدعاء وربنا ييسر قلب زوجها عليها …

أشوف أحسن حل أنها ما تكلمه و تحسسه بذنبه
يعني شو ما يحكي معها تطنش وما ترد عليه وتبررله ها الشي بسبب أهانتها
وما تصالحه لحتى يعتذر لها
موفقه

غلط انه سب امها والمفروض ترد اعتبار امها مب اعتبارها هي لانها اكيد غلطت ولا الريال ما بيعصب بدون سبب الا اذا كان مريض وتحاول تصلح اللي بينهم الكلام ما بيسوي شي بس خليها تخبر اخوانها وبروحهم بيرمسونه وبيستحي ع ويهه ع الكلام اللي قاله وبيعرف انها ممكن تتغاضى عن اللي يقولها اياه بس عن امها لا وعقب تتفاهم وياه بروحها ع مشاكلهم الخاصه ..

سكتي ولا تكلميه ولبي طلباته بسكات اذا رمسج ردي عليه باختصار

حاولي انج تذكرين اللي صار بالتفصيل اذا بلحظة عصبيه عذريه لكن رمسيه لما تشوفي الوقت مناسب لا تصيرين زنانه وكل حين تعيدين الرمسه مرة وخلج هاديه ولا تنفعلين

لو كملتي عشرين سنة كل مرة تطلع مشكله يديده اهم شي نتعلم منها وما تتكرر

الزواج شرات الجبل والمشاكل هي الحصى الصغار شو ما كان درجة تاثيرها يبقى الجبل صامد ومتين عندكم عيال وقراراتكم لازم تنبني على العقل

الله يسعدكم ان شاء الله