قالت عمتي : لان هذي هنا المومة و الطفل

عندي موضوع سؤال لو بمكاني شو بتسوون؟

عمتي عمتي عمتي

عمتي ام ريلي ماشاء الله والحمد لله حاطتني فوق راسها ومثل بناتها بس
هي حسااااااااااسه بالمره تتحسس من اي ادنى الكلام
بس لمن يجي العكس انتي تجرحيها بالكلام تزعل وتصيح ومرات يغمى عليها
لانها عفويه مرحه تضحك وتستهزاء بس قلبها طيب ع كل حد
ومعروفه بهالشي ومعروفه بعد انها حساسه وبسرعه دمعتها تنزل

بس هالمشكله الي فيها اتعب حتى عيالها كلموها ماشي فايده اتعبوا منها ونصحوها بناتها واولادها انها اتبطل الغشمره
ولمن تتكلم ماتوزن كلامها لاجذيه تعج الكلام ماتفكر ان هالشخص يتحسس او ينجرح
حتى عيالها تجرحهم بلا شعور..

بس مرات انا ما اسكت ارد عليها حتى لو ماتقصد لانها تنرفزز بالشخص بصراحه وانا من النوع العصبي ومرات احاول امسك نفسي
ومرات ما اقدر…

شوفن هالموقف وحطن نفسكن فيه…؟؟؟

مره كنا طالعين رايحين نشتري اغراض البيت انا وبناتها 2
واحنا تقدمنا ووقفنا فالمواقف لين يوصل ريلي رايح يسحب من البنك
وجلسنا نسولف فسياره بعدها قالت لبناتها بس بخبركم بلسان عمتي بتكلم
ان في حرمه قالت لعمتي : ان فلان (……) الي هو ريلي اجى بيتنا (يعني بيت الحرمه) .
قالت الحرمه : اذا تبونا نحن نريدكم المعني (ان اذ تبون تتزوجون ولدكم من معنا عادي نحن نريدكم)
بس هي غلطانه مب ريلي الي رايح بيتهم اخو ريلي الي رايح بيتهم وشافته الحرمه
وهي ماتعرف اسمه لاجذيه قالت الاسم
المهم عمتي ردت عليها : اذ ولدي يبي من بناتكم نحن نريدكم وما شورنا شور الولد
بنات عموتي سالوا امهم من الحرمه الي قالت لج هالكلام
وليش تقولين لها كذا
قالت عمتيه لبناتها: مابقولكم من الحرمه بعدين بقولكن
قالن لها بناتها : لا قولي الحين من هي؟؟
قالت عمتي: الحين هذي هنا الي "هي انااااا"
يعني مابتقول لاني موجوده
والله قطف ويهي انا بس جالسه اتسمع اتمنى الارض تنشق وتبلعني
وبناتها ساكتات

هذي تتكلم جد والله ما عرفت اتصرف شو سويت
اني قلت خلاص راح انزل من السياره وقولي الي بخاطرك فتحت الباب كنت ابا انزل صج بس تعوذت من ابليس
وقلت : لا بس كملي التمثيليه وسكري الباب فتحت الباب وسكرته قلت خلاص خلاص بنزل
قلت لايشوفني ريلي ويقولي ليش نازله واهله داخل السياره وانا كنت الي اسوق

بعدها ضحكت قلت هههه كاني غبيه طالعه
بعدها قالن لها بناتها من الحرمه؟
قالت : فلانه بنت فلان

قلت لها: خلاص انا الحين عرفتها الحرمه يعني الحين يوم مابتقولي لي
ولا بروح اخبر عنها
اصلا انا مب ساكنه معهم دايم بس فالويكند نجي معهم يومين ونرد مسقط
لاني اشتغل انا وريلي
وما اعرف حتى الحريم الي تعرفهن ولا اعرف حتى حريم الحاره شو اساميهن

ومامن عادتي اخبر الناس عن الي يدور بيتهم ولا شو سوو ولا شو ما قالوا؟

بس كذا ماعرف كيف تحب تجرح الناس بدون قصد

وفي مواقف ثانيه تصير بس اسكت ولاكاني سمعت ومرات ارد عليها وتجي تعتذر مني
مع اني اعزها واحبها واهي مامقصره معي تشتريلي وايد هدايا لي ولبنتي وحتى انا اجيب لها..

لو بمكاني شو بتسون؟؟؟؟

وامس صار موقف ثاني بس للحين خاطري مجروح وجت لباب االسياره تتعذر مني وتبوسني وقبل لاطلع
تقولي زعلانه سمحيلي تقريبا 3 مرات تتعذر وانا اقول لها لا مشي باس حصل خير لا مب زعلانه
بس ما اقدر حتى اشوف عليها وعشان كذا كتبت افضفض

والحين جاي شهر رمضان وانا مسامحه الكل