حبيت افيد اخواتنا الحبيبات لان في بعض الامهات الجدد ما يعرفن شو يحتاجن للشراء وشو اللي ما يحتاجنه
لهالسبب حبيت اجهز قائمة للشراء بالصور علشان تتضح لهم الصوره
تجهيزات للبيبي:
1- ملابس قطنيه للبيبي اما اللبس الكامل او الثوب ( افضل اللبس الخامل لان الطفل وايد يرفس فاذا كنتي نايمه وهو يرفس ويتحرك وتكشف اللحاف عنه يكون مغطاي على الاقل بملابسه)
في الصوره اعلاه عدد قطع مفيده ممكن تاخذين عدد 3- 4 مقاس newborn ولان الطفل سريع النمو في الفتره الاولى انصح بشراء قطعتين الى ثلاث قطع بمقاس 0-3
2- لا ننسى الملابس الداخليه القطنيه للطفل عني افضل اشتري من 0-3 ولا حاجه لـ newborn
3- بامبرز newborn لا تشترين منه وايد اخذي ما يكفي لشهر لان الطفل ينمو بسرعه اول فتره من عمره فبتضطرين لتغيير المقاس بعد فتره قصيره
4 -المحارم المرطبه للاطفال لتنظيف مكان الحفاضه عند تغيير الحفاضات للطفل
5- كرسي سياره اذا كنتي تسوقين بنفسج
6- قماطات قطنيه عدد 4-5
7- شالات او بطانيات خفيفه لتغطيته فوق القماط
8- حقيبه لوضع اغراض البيبي
يتـــــــ………………بع ,,,
كمليه الغالية……….
10- عربانة => ما بتحتاجينها اول الايام ولا تستعجلين بشرائها يمكن حد اييبلج اياها هديه .
– سرير آمن للطفل
12- فوط للبيبي كبيره وصغيره
– مرضعه زجاج احتياط سبحان الله يمكن تحتاجينها لو حصلت مشاكل بالرضاعه وفرشاة خاصه لتنظيف زجاجة الحليب
14- شفاطة للحليب لان بعض الاحيان الصدر يمتلئ بالحليب مما قد يسبب بألم والتهابات واذا كنتي تشتغلين بتحتاجينها بعد فترة انقضاء الاجازه.
15- صابون غسيل ملابس الطفل انصح بالوزير المبشور.
16- مقراضة اضافر ومشط وحوض للسباحه .
بالنسبه للطفل اكيد نسيت اشياء اذا ذكرت شي برجع اكتبه من جديد
بالنسبه للأم عليها تجهيز التالي:
1- حقيبه بملابسها كذلك تحتوي على عدد من ملابس داخليه وملابس النوم الخارجيه التي فيها فتحه من الامام حتى تتمكن من ارضاع صغيرها .
2- الفوط الصحيه .
3- ملابس قطنيه للنفاس.
4- صابون وفرشاة ومعجون وشامبو ومشط وغيرها من امور شخصيه.
6- شيلة البيت القطنيه.
7- نعال مسطح وخفيف.
أمااااااااااااااااااااانه ادعولي انه الله يحفظلي ريلي والبيبي الي فبطني لا اطالعون الموضوع وتظهرون ؟؟!!!
الله يحفظ ريلج ويثبت النونو