وهو مب موضوع هو عباره عن سؤال
والسؤال :
عندكم اساامي غريبه في عوايلكم و شو معناها وشو سبب التسميه ؟؟
بنت اختيه اسمها (إمارات)
سموها بهالاسم لانها انولدت في شهر 12 (ديسمبر الماضي) مع مواليد الاتحاد
واهلها بسبب الاسم يمرون بمواقف تضحك ومن المواقف اللي مروا فيها اهلها :
كل مايكتبون اسمها (إمارات سعيد) في مكان يتحرونهم غلطانين و يبون يكتبون
سعيد – من الامارات
الحين دوركم
للاسف اسامينا عاااديه ولا بخبركن هع هع
نتريا الباجيين
نحن نادراً مانسمي اسامي غريبــــــه
حسب ذاكرتي ماشي بين عايلتي خوالي وعمامي
بس في اسامي نادره
لكن لنا اقارب من بعيد هي حرمه كبيره في السن اسمها غريب
مب متاكده اسمها ولا لقبها هذا المهم الكل يزقرها بهالاسم ماعرفت معناه
..
من الاسامي الغريبه اللي مرت علييه
ربيعتي من الكويت اسمها مكيه قبل كنت اتحسبه نك طلع اسمها
وفي اسامي مرت عليه مثل مضحيه والفن
بس الحمدلله يوم يا دوري اعتدل =D
صح تذكرت يوم كنت صغيره
كنت اعرف وحده اسمها طفله
ويوم كنت صف سادس كانت وحده في صف اول ابتدائي تيينا في الفصحه اسمها بوته
وشي ناس يسمون بناتهم سريعه وصغيره
ليكون بنتكم!!.. بس ماشاء الله الاسم وايد حلو..
وأنا وريلي ناوين ان شاء الله اتكون اسامي عيالنا مميزه.. بس ما بقولكم شوه أخاف تصرقونهن هههههه
سألت أميه هذا السؤال وخليتها اطلع المستخبي..
يدت أبويه أسمها جامله.. يعني كامله بس بلهجتنا تستوي جامله..
وحده من أهلنا لوليين أسمها رافضه… !!
مره اتلاقيت ويا وحده من أهلنا.. بس من بعيد.. سألتها عن اسم بنتها..
اتخيلوا شو طلع!!
دبي
!!
………………….
يالسه أشغل مخي.. صبري عليه بذكرلج..
هييييييه
اسم سنان
ولد خالة أميه.. الله يرحمه
كنت أزقره يوم صغير.. سنانو يا سنان
مثل أغنيه الرسوم… هههه
………
اسمحيلي اذا طولت عليج 