في الشهر الثالث وعندي نزيف…..

مرحبا خواتي….

حبيت اطرح عليكم مشكلتي انا حامل في الشهر الثالث وقبل 4 ايام ياني نزيف مش طبيعي قطع على حجم كف اليد… بصراحه زغت ويوم سرت المستشفى خبروني انه نزيف من ورا المشيمة بس ماعطتني سبب معين للنزيف…. وسرت مستشفى ثاني وبعد قالولي نفس الكلام والحمدلله عطوني هرمون تثبيت للحمل ويعوض الدم اللي نزف…وبصراحه هذا اول حمل لي وانا حدي زايغه…ولين اليوم نزيف خفيف شي ع اللون البني والاسود والاحمر بس خفيف…بس شو اسوي واللي زايغه

(( في احتمال ان يكون الجماع احد الاسباب لان ريلي مسافر وياي اجازة ويمكن يكون الجماع احد الاسباب)))

إذا طمنوج في المستشفى عادي أنا بنت عمي وأختي نزفن وهن في الشهر الثالث بس الحمد الله ماصار شي

والله يثبت حملج يارب

حبيتي الله يثبت حملج انشالله بس انت ليش خايفة دام قالولج البيبي اوكي وعطوج تثبيت للحمل لاتخافين المهم تستمرين ع المثبت ولاتتعبين نفسج وبعدين ما ضن الجماع اياثر الا اذا كان بدفاااااااااااااشه قويه اتحملي تتعبي ولا تشلين شي ثقيل حدج لو بتتطلعين تسيرين بيت امج بعدين هم ماطمنوج ع البيبي يعني قالولج شو وضع البيبي انا اذكر اول حمل لي كان عندي نزيف يعني مثل الدوره تقريبا وعطوني مثبت والحمدلله كل شي اوكي . الله يطمنج انشالله

هيه الجماع يأثر والافضل الابتعاد عنه في ها الشهور الثلاث

لا تخافين بس ارتاحي ولا تتحركين
والجماع ابتعدوا عنه لين تستقر حالتج

ربي يسلملج النونو

سلامات حبوبة ،، ماتشوفين شر،،
الغالية حاولي تريحين هالفترة الين يوقف النزيف،،،
وواضبي على دواء التثبيت