فيني الدورة وتحليل الدم والتحليل المنزلي نتيجتهم إيجابية

السلام عليكم ورحمة الله وبركاته،

خواتي قبل الدورة بيوم سويت تحليل منزلي وعطاني خط وايد خفيف وثاني يوم سرت المستشفى سويت تحليل الدم والنتيجه حامل

من رجعت البيت يتني الدوره!! ويوم شفت الدكتوره قالت تريي اسبوع وتعالي بنشوف!

حد استواله نفسي! او يعرف حد مر بنفس التجربة؟

شكرا مقدماً

ماعرف الغاليه
سوي اللي قالته لج الدكتوره
اتريي اسبوع خلاف ردي سوي فحص الدم
والله يرزقج بالذريه الصالحه ان شاء الله

عادي الغاليه
بعض الحوامل ينزل عليهم احيانا دم خفيف
الله يتمملج على خير ان شاء الله

عادي حبيبتي إنتي تري انا احمل وإتيني دورة لمدة ثلاث شهور بعدها اعرف أني حامل ومايبين لا في تحليل دم ولا سونار

الله ييسر اموووورج

انا كملت شهرين وما ادري اني حامل
ف اول شهر نزلت علي الدورة و في نفس الوقت بالضبط ؟
و سرت بعد اشرب حبة حمرا حارة و خبيص و سوالف و حليب بالزنجبيل

الله رحمني وما صار شي
انتي ريحي نفسج و عقب سوي فحص مرة ثانية و تأكدي

عادي بعضهم تييهم الدورة وهم حوامل بس تكون اخف
اتريي اسبوع وان شاء الله تتاكدين بانج حامل