فيصل ولدي يعاني من امساك شديد لدرجة البكا !! لعشاق السياحة

رقديه عظهره وامسكي ريوله ..وارفعيها لين تضغط الركبه عبطنه …

و اضغطي عبطنه.. وعقب ردي نزلي ريوله شوي شوي ….
وردي كرري الحركه عدة مرات…

و ثبتي ريول وحده وتكون ممدوده.. والثانيه خليها تضغط عالبطن…

و عقب سوي بالريول الثانيه نفس الشي يعني بالتناوب.. لان هالحركه ينصحون فيها الدكاتره اذا كان الطفل عنده امساك -سمي بالله واقري عليه المعوذات عشان الله يحفظه وانتي تسوي التمارين عشان الله يسهل عليه -.. (لمدة 3 دقايق كل يوم) الطفل يستانس عباله امه تلاعبه

2- والشي الثاني سخني شوية زيت زيتون وامسحي بحركه دائريه اتجاه عقارب الساعه عبطنه -وانتي تسمين بسم الله -..
وعقب حطي ايدج تحت صدره وامسحي 3 مرات لين تحت السره -وانتي تذكرين الله وتقولين بسم الله-… عشان تسهلين الحركه للامعاء..

3- وشربيه ماي وااااااااايد

4- وأكليه برتقال كل يوم برتقاله او عصير برتقال واااااااااايد مفيد -اذا عنده حساسيه لاتعطيه برتقال-

5- و ابعدي الروب والعدس عنه لفتره لين تتعود امعاءه عالخروج-وانتوا بكرامه-

6- و نظمي وجبات الاكل .. يعني عطيه الاكل بمواعيد محدده لا تأخريها ولا تجدمين ..
اذا اليوم غداه الساعه 12 ونص عطيه باجر بنفس الوقت…

والظهر الساعه 3 عصير والعصر فاكهه… و المغرب الساعه 7 عشاه…

ولا تأخرين وجبة العشا مثل السريلاك او العيش او البطاط لين بعد الساعه 8 …

واذا حسيتيه يوعان عقب الساعه 9 عطيه نص تفاحه وعقب طبعا حلييييييييب لين ينش الصبح…

7- و الحل اللي ينفع واايد لكن يباله ام تحب ولدها وما تجزز منه-ترا شي يكرهون هالطرق لانهم يجززون وتلوع جبودهم!!!!!-

وهو انج تلفين صبعج بقطن والقطنه تكون مبلوله بالكاااااامل بزيت زيتون …

و تدخلينها شوي شوي بمكان فتحة الشرج للطفل وتحركيها برع الفتحه وداخل شوي..
وعقب تخلين صبعج شوييييييه مب وايد وتردين تطلعينه((( هذي الحركه لتسهيل عملية التبرز -وانتوا بكرامه- و تزييت المنطقه عشان ما تتشقق والطفل يعاني من الامساك ترا المنطقه مع الامساك تتجرح وانتوا مب حاسين…))) -سموا بأسم الله وانتوا تسوون اي شي-

بتلاحظين بعد هالحركه الطفل بيبرز بسهوووله ..لانج عطيتيه دافع مع حركة الصبع و سهلتي مع الزيت..

واذا طبقتي كل شي بالحرف ولدج فديته وربي يعافيه بيخف وبيصير خروجه سهل وبدون مشاكل ودموع..

8- واذا لا قدر الله ما فاد .. جربي الحل الاخير…واللي لازم تلجأين له آآآآآخر شي…

وهو انج تاخذين من الصيدليه دوا اسمه silkas نسيت اسمه لكنه معروف للاطفال قطرتين او ثلاث مممممممممممب اكثر و للكبار 7 او 10 تقريبا

والله يشفيع عيال الجميع

ولا تنسون تذكرون الله وبسم الله قبل كل شي ومع كل حركه