فيدوني يالمطلقات الحياة الزوجية

السلام عليكم

حريمات ممكن تفيدوني

هل قضايا الطلاق اتطول في المحكمه لانه التوجيه عباله كل شهر عندج جلسه وحده وقريت هني بعض المطلقات طولت قضيتهم سنه وسنتين معقول هالشي؟؟؟؟انزين ليش؟؟؟؟حتى لو بعدها ماكملت سنه؟؟؟؟وماعندها عيال ولاشي؟؟

معقوله اللي تبغي الطلاق تتريا سنه وله سنتين لي ماتحصل عليه انا يوم سالت قالولي ثلاث جلسات بالكثير في التوجيه الاسري شافو ماشي فايده تتحول دايركت للمحكمه وفي المحكمه جلستين وخلاص القاضي يصدر حكم الطلاق بس طبعا بعوض او بدون عوض المهم بعد الجلسه الثانيه خلاص يصدر القرار مايبقون يماطلون سنه وسنتين صراحه يوم قرريت المطلقات هني بعد سنه وسنتين حصلوو الطلاق انصدمت ليش؟؟

الحين ماعرف اللي خبروني ياه صح وله اللي قريته هني

ارجوكم ردو عليي ضروري

ومكشورين ماقصرتوا مقدما

مع الأسف اللي قريتي هو الصح أنا بعد خذ لي من سنة ل سنتين وكل ما طلق الزوج بسرعة وعطاج حقوقج بسرعة كل ما بتخلصين بسرعة اذا بيتاخر بتتاخرو فالمحاكم لانه يعطونكم كذا فرصة تراجعون نفسكم اذا ما في فايدة القاضي بيطلق بس بتتاخري فسالفة الحقوق

ممكن تخبريني كيف طولت الاجراءات هالكثر؟؟؟؟بس عسبت الحقوق؟؟؟؟انزين واذا هي ماتريد حقوقها؟؟؟

الله يعين

اذا ما تبا حقوقها تقدر تقول أنا ابي خلع والخلع تتنازلي عن كل حقوقج من مؤخر ومصروف بس ترجع ليه كل اللي خسروا عشانها بالعرس بس أنا انصح انها ما تطلب اخلع أتم اتطول بالمحكمة ولا انها تتنازل عن حقوقها ابد دام الريال ما صانها ولا قدرها ومردة بيمل من المحاكم وبيطلق نفسي أنا طولت عشان مؤ راضي يطلق وكل حين يعطينا موعد مرات اهو مايي ومرات ايقول ما بطلق وش بتسووا اذا هي تبا الطلاق خل تدفع لي كل حين يزيد بالمبلغ ع كيفو بعدين القاضي قال بيعطينا اخر جلسه يا ولا ما يا بيصدر الحكم وهو عصب وطلق نفس الوقت لانه يعرف اذا ما طلق القاضي بيطلق وعن سالفة المؤخر واااااااايد تأخر كل مرة يقول ما عندي وما اشتغل كيف ادفع لها ولبناتها وآخر مرة قال أتريو بعد شهرين بدفع المبلغ كامل والقاضي قال كامل واذا ما دفعت السجن ع طول بس ما دفع وسألني القاضي اسجنو قلت لا ما هان عليي والقاضي قال ادفع 2000 كل شهر يعني الخلاصة انها تصبر وتطول بالها واايد لان بتحصل حقها لو بعد حين والسموحة

حسبي الله ﻻ اله اﻻ هو عليه توكلت وهو رب العرش العظيم ♡

الله يوفقج يارب

اختي الجوري بعد الجلسه الكم قالوا لج لو مايه القاضي يطلقج ؟؟؟؟يمكن طولتي عسب عندج عيال؟؟؟؟

مشكوره اختي الجوري ومشكورين خواتي اللي ردو عليه ماقصرتوا واتمنى ايفيدونا البقيه لو عندهم فكره عن هالموضوع ولكم جزيل الشكر