جيف الحال والأحوال؟!!
عساكم إلا بخير..!!
مثل ما انتو شايفين من العنوان..
أي وحدة فيها حبوب أو آثار حبوب ع ظهرها ولا جتفها..!!
اتابع هالموضوع وانا وياها..
عسب اللي عندها خبرة او تعرف الحل تفيدنا..
لني أبا أتخلص من هالآثار اللي مسببتلي بقع غامجة في منطقة الظهر.. بشكل كبير..
اللي راحت أي مستشفى وكان فيها هالشي؟
تقولي هل فادها ولا لا؟
وأي مستشفى سارت؟
،،،،،،،،،،،،،،،،،،،،،،،،،
وشي ثاني؟
بناااااااااااااات.. شفتو أجسااام اللبنانيات كيف ولا شعرة في جسمهم؟
أبا أعرف شو الطريقة؟
والله دوم أسأل.. كيف جي جسمهم ولا شعرة؟
يعني نحن حتى لو حفينا. .تحسون في شعر صغار؟
هم لا.. صافي صافي..
أبا أعرف كيف نشل شعر الجسم كامل..
البطن والصدر والظهر..
ويوم انشل الإيدين والريلين.. يتم في شعر صغار؟
شو الطريقة المثلى لكل منطقة؟
وشو أحسن شي نستخدمه؟
ياريت كل وحدة ادش ترفع الموضوع؟ أو تجاوب وتفيدنا..
وكل وحدة طبعاً لها طريقتها؟ في هالمجال؟ نتمنى كل وحدة عندها طريقة مناسبة تقولها؟
وفي ميزان حسناتها 
ان شاء الله نلاقي الحل …
ورحت المستشفى اتعالج بس ما شيء فايده
كل مره تعطييج الدكتورة مرهم يوم تستخدمينه اوكي بتختفي الحبوب واثارها
وعقب يوم اتوقفين استعماله ترجعلج ..
ان شاء الله نلاقى حل ^^
وانا بعد كنت محطية في بالي اسير مستشفى المفرق اتعالج..
بس بغيت أسألكم أول ^^
شكراً عالرد ونتريا اجوبة من الخوات ..
رحت عنددكتور بس ما كملت العلاج